مەملەكەتتىك ورگانداردا «كوماندالىق اۋىسۋعا» قالاي توسقاۋىل قويىلدى

- 1998 -جىلدان باستاپ جۇرگىزىلىپ كەلە جاتقان مەملەكەتتىك قىزمەت رەفورماسىنىڭ ەڭ وزەكتى باعىتى - ول كاسىبي مەملەكەتتىك قىزمەتشىلەردى قورعاۋ. سول رەفورمانى 1999 -جىلى باستاردىڭ الدىندا، وسى پروتسەسكە جاۋىپتى ەدىم. سول كەزدە مەملەكەتتىك قىزمەت ىستەرى اگەنتتىگىنىڭ تۇڭعىش ءتوراعاسى بولدىم. وسى اۋقىمدى جۇمىس كەزىندە ءتيىستى تالداۋ جۇرگىزدىك. بۇل تۇرعىدا 1996-1998 -جىلدارى مينيسترلەر تاعايىندالعان كەزدە، كەيدە 2-3 ايدا ونىڭ اپپاراتىنىڭ 60 پايىزىنا دەيىن اۋىسىپ كەتەتىنى انىقتالدى. سەبەبى، ول ۋاقىتتا مەملەكەتتىك قىزمەتشىلەر زاڭمەن قورعالماعان، - دەدى ءا. بايمەنوۆ.

وسى ورايدا ول 1999 -جىلى قابىلدانعان «مەملەكەتتىك قىزمەت تۋرالى» زاڭعا ارنايى باپ ەنگىزىلگەنىن ەسكە سالدى.

- بۇل رەتتە، ساياسي مەملەكەتتىك قىزمەتشىنىڭ اۋىسۋى كاسىبي مەملەكەتتىك قىزمەتشىنىڭ جۇمىستان كەتۋىنە نەگىز بولا المايتىنىن زاڭمەن بەكىتتىك. 2013 -جىلى «ا» كورپۋسى دەپ ىرىكتەۋ وتكىزىپ، اۋدان اكىمدەرى، كوميتەت ءتوراعالارىن 4 جىل كەلىسىمشارتقا وتىرعىزدىق. ولار 4 جىل كەلىسىمشارتتاعى كورسەتكىشتەرگە قول جەتكىزسە، باسشىلار ولاردى جۇمىستان بوساتا المايدى. بۇل قادامدار كاسىبي تۇراقتىلىققا باعىتتالعان ەدى. ءبىزدىڭ قوعامدا ءوزىنىڭ قۇقىعىن زاڭ جۇزىندە قورعاۋ ءداستۇرى ەندى قالىپتاسىپ كەلەدى. بۇل جاعداي تەك مەملەكەتتىك قىزمەتتە ەمەس، جالپى باعىتتاردى ايتىپ وتىرمىن. كەيبىر سالالاردا ول تەزىرەك قالىپتاستى، ياعني مۇلىككە، جەكە مەنشىككە قاتىستى. ال قىزمەتكە قاتىستى باعىتتا ءسال قالىس كەلە جاتىر. ولار نەدەن قورقادى؟ «ەرتەڭ ءبىر پالەگە ىلەكتىرىپ جىبەرەدى» دەگەن ۇرەي بولادى. وزدەرىنە سەنىمسىز بولعاندىقتان، كۇندەلىكتى كۇرەسكە دايىن بولماعاندىقتان، ارىزىن جازىپ، جۇمىستان كەتۋدى ءجون سانايدى. اتاپ ايتقاندا، ارىز جازباسا، ولاردى جۇمىستان ەشكىم كەتىرە المايدى، - دەدى استانا مەملەكەتتىك قىزمەت حابى باسقارۋ كوميتەتىنىڭ ءتوراعاسى.

اۆتورى

رۋسلان عابباسوۆ