قاۋىپسىزدىك ماسەلەلەرى بويىنشا قازاقستان- قىتاي كونسۋلتاسيالارى ءوتتى

قۇقىق قورعاۋ جانە ارنايى ورگان باسشىلارىنىڭ قاتىسۋىمەن وتكەن جيىن بارىسىندا ءبىرقاتار وزەكتى ماسەلە قارالدى.

تاراپتار حالىقارالىق جانە وڭىرلىك قاۋىپسىزدىكتىڭ ءتۇرلى اسپەكتىلەرى، ب ۇ ۇ، ش ى ۇ، ا و س ش ك جانە «ورتالىق ازيا - قىتاي» فورماتىن قوسا العاندا، حالىقارالىق، سونداي-اق وڭىرلىك قۇرىلىمدار شەڭبەرىندەگى ۇيلەستىرۋ ماسەلەلەرى بويىنشا پىكىر الماستى.

ترانسشەكارالىق قىلمىسپەن كۇرەس، حالىقارالىق لاڭكەستىك جانە ەكسترەميزمگە، سەپاراتيزمگە قارسى ءىس-قيمىل سالالارىندا بىرلەسە كۇش جۇمىلدىرۋ قاجەتتىگى ايتىلدى.

عيزات نۇرداۋلەتوۆ پەن چىن ۋەنشيڭ قازىرگى قىر كورسەتۋلەر مەن قاتەرلەرگە قارسى تۇرۋ، ساۋدا-ەكونوميكالىق ىنتىماقتاستىقتى ىلگەرىلەتۋ ءۇشىن قولايلى جاعداي جاساۋ ماقساتىندا قاۋىپسىزدىك سالاسىنداعى ديالوگتى جۇيەلى نەگىزدە دامىتۋ، سونىڭ ىشىندە ەكى ەلدىڭ كۇشتىك قۇرىلىمدارى اراسىنداعى ءوزارا ءىس-قيمىلدى نىعايتۋدىڭ ماڭىزى تۋرالى پىكىرلەستى.

ايتا كەتەلىك قازاقستان مەن قىتاي اۆتوتاسىمالعا ارنالعان رۇقسات بلانكىلەرىن شەكتەۋسىز الماسۋعا كەلىسكەن ەدى.