ەل اۋماعىنداعى شەتەلدىك جوعارى وقۋ ورىندارى فيليالدارىنىڭ كارتاسى ۇسىنىلدى
استانا. KAZINFORM - بۇگىنگى تاڭدا 39 شەتەلدىك جوعارى وقۋ ورنىمەن سەرىكتەستىك ورناتىلعان، دەپ حابارلايدى عىلىم جانە جوعارى ءبىلىم مينيسترلىگىنىڭ باسپا ءسوز قىزمەتى.
مەملەكەت باسشىسى قاسىم-جومارت توقايەۆتىڭ تاپسىرماسىنا سايكەس ەل اۋماعىندا الەمنىڭ جەتەكشى جوعارى وقۋ ورىندارىنىڭ فيليالدارى اشىلىپ جاتىر. ق ر عىلىم جانە جوعارى ءبىلىم مينيسترلىگى حالىقارالىق ىنتىماقتاستىقتى دامىتىپ، ستۋدەنتتەر ءۇشىن مۇمكىندىكتەردى كەڭەيتە وتىرىپ، قازاقستاندى ورتالىق ازياداعى جەتەكشى اكادەميالىق حابقا اينالدىرۋ باعىتىندا بەلسەندى جۇمىس جۇرگىزىپ كەلەدى.
- بۇگىنگى تاڭدا 39 شەتەلدىك جوعارى وقۋ ورنىمەن سەرىكتەستىك ورناتىلعان. قازاقستاندا ۇلى بريتانيا، يتاليا، قىتاي، رەسەي، ا ق ش، فرانسيا جانە وڭتۇستىك كورەيانىڭ 23 سەرىكتەس جوعارى وقۋ ورىندارى جۇمىس ىستەيدى. قۇرمەتتى تالاپكەرلەر جانە ولاردىڭ اتا-انالارى! ءوز وڭىرىڭىزدەگى نەمەسە قىزىعۋشىلىق تانىتقان جوعارى وقۋ ورنىنىڭ ورنالاسۋىن قاراپ، بولاشاق ءبىلىم باعىتىڭىزدى جوسپارلاۋعا شاقىرامىز! - دەلىنگەن مينيسترلىك حابارلاماسىندا.
بۇعان دەيىن قازاقستان ج و و- لارى الەمدىك رەيتينگتەردە نەشىنشى ورىندا تۇرعانى ءمالىم بولدى.
اۆتور
اينۇر تۋماكبايەۆا
