كوللەدج ستۋدەنتتەرىنىڭ ستيپەندياسى تاعى 50 پايىزعا وسەدى

استانا. قازاقپارات - 1- قىركۇيەكتەن باستاپ كوللەدج ستۋدەنتتەرىنىڭ شاكىرتاقىسى 43 مىڭ تەڭگەگە ارتادى. بۇل تۋرالى وقۋ- اعارتۋ ءمينيسترى عاني بەيسەمبايەۆ ءمالىم ەتتى.

«مەملەكەت باسشىسىنىڭ تاپسىرماسى بويىنشا تەحنيكالىق جانە كاسىپتىك ءبىلىم بەرۋ جۇيەسىندە مەملەكەتتىك تاپسىرىستى ۇلعايتۋ بويىنشا جۇمىستار بەلسەندى جۇرگىزىلىپ وتىر. بيىل 145 مىڭ گرانت ءبولىندى، ونىڭ %65- ى تەحنيكالىق ماماندىقتارعا باعىتتالعان. سونداي-اق، 1-قىركۇيەكتەن باستاپ كوللەدج ستۋدەنتتەرىنىڭ ستيپەندياسى وتكەن جىلعى دەڭگەيدەن %50- عا ۇلعايادى»، - دەدى عاني بەيسەمبايەۆ ۇكىمەت وتىرىسىندا.

ءمينيستردىڭ مالىمدەۋىنشە، بيىل ءبىرىنشى جارتىجىلدىقتا 104 كوللەدجدىڭ ماتەريالدىق-تەحنيكالىق بازاسى جاقسارعان.

«تەحنيكالىق بازانىڭ زاماناۋي ستاندارتتارعا ساي بولۋى جانە ستۋدەنتتەردى وقىتۋ مەن پەداگوگتەردىڭ جۇمىسى ءۇشىن قولايلى جاعدايلاردى قامتاماسىز ەتۋى ماڭىزدى. بيىل 2103 ورىنعا ارنالعان 8 جاتاقحانا سالىنىپ جاتىر. قازىر پاۆلودار جانە تۇركىستان وبلىسىندا 259 ورىنعا ارنالعان 2 جاتاقحانا پايدالانۋعا بەرىلدى. تالداۋ ناتيجەلەرى كەيبىر وڭىرلەردە ستۋدەنتتەردى جاتاقحانالارمەن قامتاماسىز ەتۋ ماسەلەسى ءالى دە ماڭىزدى ەكەنىن كورسەتىپ وتىر. بۇل الماتى قالاسى (2349 توسەك- ورىن)، استانا (1291)، اقمولا وبلىسى (1112)، س ق و (811) جانە الماتى (711) وبلىسىندا تاپشىلىق بار»، - دەيدى ول.

اۆتور

داۋلەت ىزتىلەۋ