جولداعى اۆتوكولىكتەردىڭ سالماعىن ولشەيتىن ستانسيالارعا بەينەكامەرا ورناتىلادى

استانا. KAZINFORM - ەلىمىزدە جول بويىنداعى اۆتوماتتاندىرىلعان سالماق ولشەۋ ستانسيالارى بەينەكامەرامەن جابدىقتالادى.

بۇل تۋرالى ۇكىمەت باسشىسى ولجاس بەكتەنوۆتىڭ ءماجىلىس دەپۋتاتتارىنىڭ ساۋالىنا بەرگەن جاۋابىندا ايتىلعان.

- 2025 -جىلعى 27 -مامىردا كولىك مينيسترلىگىنىڭ بۇيرىعىمەن (№ 168) اۆتوماتتاندىرىلعان سالماق ولشەۋ ستانسيالارىنىڭ جۇمىسىن ۇيىمداستىرۋ قاعيدالارىنا ستانسيالاردى بەينەكامەرامەن جابدىقتاۋعا قاتىستى وزگەرىستەر ەنگىزىلدى (ۆانداليزم فاكتىلەرىن ازايتۋ ماقساتىندا). بەينەباقىلاۋمەن قامتۋ جۇمىسىن «قازاۆتوجول» ۇلتتىق كومپانياسى جانە جەرگىلىكتى اتقارۋشى ورگاندار جۇرگىزەدى، - دەلىنگەن ۇكىمەت باسشىسىنىڭ جاۋابىندا.

سونداي-اق، ساۋال جاۋابىندا اتالعان وبەكتىلەردى تاۋلىك بويى كۇزەتپەن قامتۋ ەداۋىر قارجى تالاپ ەتەتىنى ايتىلعان. اتاپ ايتقاندا، جۇمىسشىلاردىڭ ەڭبەكاقىسى، تەحنيكالىق جانە سانيتارلىق-گيگيەنالىق تالاپتارعا ساي عيمارات سالۋ، تاعى باسقا شىعىندار كىرەدى.

- بۇل وبەكتىلەردى كۇزەتۋدى ىشكى ىستەر مينيسترلىگىنىڭ قاراماعىنا بەرۋ ورىنسىز دەپ سانايمىز، سەبەبى ىشكى ىستەر ورگاندارىنىڭ نەگىزگى مىندەتى - قوعامدىق ءتارتىپتى ساقتاۋ جانە قىلمىسپەن كۇرەس، - دەدى ول.

ودان بولەك، پرەمەر-ءمينيستردىڭ جاۋابىندا اۆتوجولدا ورناتىلعان اۆتوماتتاندىرىلعان سالماق ولشەۋ ستانسياسى كولىك مينيسترلىگىنىڭ كولىك دەرەكتەرى بازاسىنىڭ اقپاراتتىق- تالدامالىق جۇيەسىمەن بىرىكتىرىلگەن. بۇل جۇيە جۇمىسى تۋرالى اقپاراتتى ناقتى ۋاقىت رەجيمىندە الۋعا مۇمكىندىك بەرەدى.

بۇعان دەيىن ەلىمىزدەگى اۆتوجولداردىڭ ساپاسىن باقىلاۋ ءۇشىن 220 اۆتوجۇيە ورناتىلاتىنى تۋرالى حابارلاعان ەدىك.

اۆتور

داۋلەت ىزتىلەۋ