جوعارى جىلدامدىقتى ينتەرنەتكە 3000 نان استام اۋىل قوسىلادى
استانا. KAZINFORM - سيفرلىق دامۋ، يننوۆاتسيالار جانە ايەروعارىش ونەركاسىبى مينيسترلىگى مەن «قازاق تەلەكوم» ا ق 3000 نان استام اۋىلدى ينتەرنەتكە قوسۋ تۋرالى ينۆەستيتسيالىق كەلىسىم جاساستى.
قول قويىلعان مامىلەنىڭ ارقاسىندا تالشىقتى-وپتيكالىق بايلانىس جەلىسىن سالۋ جوباسىن ىسكە اسىرۋ جوسپاردان ءبىر جىل ەرتە - 2026 -جىلدىڭ سوڭىنا دەيىن اياقتالادى. ال شالعاي اۋداندارداعى بايلانىس 2027 -جىلدىڭ سوڭىنا دەيىن جەرسەرىكتىك بايلانىس ارنالارىمەن قامتاماسىز ەتىلمەك.
- وسىلايشا، جوبا 2027 -جىلدىڭ سوڭىنا قاراي ەلدەگى اۋىلداردىڭ %99- ىن جوعارى جىلدامدىقتى ينتەرنەتپەن قامتاماسىز ەتۋگە مۇمكىندىك بەرەدى. ەندى تاياۋ ارادا مەكتەپ، اۋرۋحانا، اكىمشىلىك عيمارات، بيۋدجەتتىك ۇيىمدار، سونداي-اق قوعامدىق كىرۋ نۇكتەلەرى مەن مەملەكەتتىك شەكارالارداعى 40 تان استام وتكىزۋ بەكەتتەرى جەلىگە قول جەتكىزە الادى. اۋىلدىق ەلدى مەكەندەردى تالشىقتى- وپتيكالىق (%88) جانە جەرسەرىكتىك ارنالار (%12) ارقىلى جەلىگە قوسادى، - دەلىنگەن حابارلامادا.
جوباعا قۇيىلعان ينۆەستيتسيالاردىڭ جالپى كولەمى 239 ميلليارد تەڭگەدەن اسادى - بيۋدجەتتەن تىس قاراجات. بۇل «قازاق تەلەكوم» ا ق ءىرى تەلەكوممۋنيكاتسيالىق ينفراقۇرىلىمىن پايدالانۋدىڭ ارقاسىندا مۇمكىن بولدى.
سونداي-اق، اۋىلدىق جەرلەردە ۇيالى بايلانىس بازالىق ستانسيالارى ءۇشىن ينفراقۇرىلىم كۇشەيتىلمەك. بۇل نىساندارعا دەيىن جەتكىزىپ تالشىقتى- وپتيكالىق جەلىنى توسەۋ موبيلدى ينتەرنەت پەن بايلانىستىڭ ساپاسىن ەداۋىر ارتتىرۋعا مۇمكىندىك بەرەدى.
- ءبىز وڭىرلەردى دامىتۋعا تەڭ جاعداي جاسايتىن سيفرلىق ىرگەتاس قالاپ جاتىرمىز. مىندەتىمىز - اۋىلداردى ينتەرنەتكە قوسۋمەن قاتار، ەلدى مەكەندەردى ەلدىڭ سيفرلىق ەكوجۇيەسىنە ەنگىزۋ. بۇل ءبىلىم الۋ، مەديتسينا، مەملەكەتتىك قىزمەتتەرگە تەڭ دارەجەدە قولجەتكىزۋدىڭ نەگىزى. ينفراقۇرىلىم تۇراقتى جانە اشىق تۇردە جۇمىس ىستەگەندە، شاعىن بيزنەس، اۋىل مەكتەپتەرى مەن جاستارعا ارنالعان جاڭا كاسىپتىك باعىتتاردى دامىتۋعا جول اشادى، - دەدى سيفرلىق دامۋ، يننوۆاتسيالار جانە ايەروعارىش ونەركاسىبى ءمينيسترى جاسلان ماديەۆ.
- ەڭ باستىسى - ءبىلىم الۋ، ءوزىن-ءوزى دامىتۋ مەن زاماناۋي تەحنولوگيالاردى پايدالانۋدا اۋىلداعى بالا مەن قالاداعى بالانىڭ مۇمكىندىكتەرى تەڭ دارەجەدە بولۋى ءتيىس. ءبىز سيفرلىق تەڭسىزدىكتى جويۋدى ەلىمىزدىڭ تۇكپىر-تۇكپىرىنەن، شالعاي جاتقان اۋىلداردان باستادىق. ينتەرنەتكە قول جەتكىزۋ كوپتەن بەرى ءسان بولۋدان قالدى، بۇل حالىقارالىق دەڭگەيدە، ونىڭ ىشىندە ب ۇ ۇ مەن ەلىمىزدىڭ پرەزيدەنتى مالىمدەگەندەي، نەگىزگى قاجەتتىلىك، - دەدى «قازاق تەلەكوم» ا ق باسقارما ءتوراعاسى باعدات مۋسين.
ايتا كەتەلىك ىشكى ىستەر ءمينيسترى ەرجان سادەنوۆ ينتەرنەتتە تاۋلىك بويى مونيتورينگ جۇرگىزىلەتىنىن ايتقان ەدى.
اۆتور
نازىم بولەسوۆا
