جۇمىس ىستەي الماساڭىزدار، مينيسترمەن قوسا قۋىپ شىعامىز - باقىتجان بازاربەك
ءماجىلىس سپيكەرى وتىرىس بارىسىندا دەپۋتات باقىتجان بازاربەككە ەسكەرتۋ جاسادى، دەپ حابارلايدى Kazinform.

«جالىندى سالەمىمدى تامارا دۇيسەن قىزىنا جولدايمىن. ءبىر- ەكى جىل بۇرىن پرەزيدەنتتىڭ كومەكشىسى بولىپ تۇرعان كەزىڭىزدە سىزبەن ۆيدەوكونفەرەنسياعا شىققانبىز. سوندا س ق و بوستاندىق دەگەن اۋىل بار. اۋىل تۇرعىندارى جايىلىمدىق جەرلەرىنەن ايىرىلىپ قالعان. ءسىز جەكە ماعان جانە اۋىل تۇرعىندارىنا ۋادەنى توگىپ- توگىپ بەرگەنسىز. مىنە ءاپ- ادەمى، تۇك بىلمەگەندەي ەندى ءمينيستردىڭ قىزمەتىنە وتىردىڭىز. سوندىقتان مىنا جەردە وسى مۇمكىندىكتى پايدالانىپ سىزگە اۋىل تۇرعىندارىنان جالىندى سالەمىمدى جەتكىزىپ وتىرمىن، - دەدى ءماجىلىس دەپۋتاتى باقىتجان بازاربەك جالپى وتىرىستا ساۋال قويا وتىرىپ.
سونداي- اق، حالىق قالاۋلىسى اۋىل شارۋاشىلىعىنا ساۋال جولدادى.
«ەگەر جۇمىس ىستەي الماساڭىزدار، مينيسترمەن قوسا مينيسترلىكتەن قۋىپ شىعامىز»، - دەدى ول اۋىل شارۋاشىلىعى ۆيتسە- ءمينيسترى ءابىلحايىر تامابەككە قاراتىپ.
ءوز كەزەگىندە ءماجىلىس سپيكەرى ەرلان قوشانوۆ دەپۋتاتقا رەگلامەنتتى بۇزباۋىن سۇراپ، ەسكەرتۋ جاسادى.
«قۇرمەتتى باقىتجان جۇمابەك ۇلى! ءبىرىنشى كەزەكتە دەپۋتاتتىق ەتيكا دەگەن بار. ءسىز قاتتى كەتپەڭىز! اگرەسسياسىز سويلەڭىز. ەكىنشىدەن، مەن جاقتاپ وتىرعانىم جوق. قويىپ وتىرعان سۇراعىڭىز دۇرىس. 10 ميلليون گەكتارعا جۋىق جەر قايتارىلدى. بۇل ءبىرىنشى كەزەكتە «جەر اماناتى» كوميسسياسىنىڭ جۇمىسى. ەندى ونى ءارى قاراي ءبولۋ كەزىندە ءادىل ءبولىنىپ جاتىر ما، جوق پا، سول عوي ءسىزدىڭ سۇراعىڭىز. ول ەڭ الدىمەن جەرگىلىكتى اكىمدەردىڭ، ەكىنشى كەزەكتە وسى قۇزىرەتتى ورگانداردىڭ ماسەلەسى، سولاردىڭ جاۋاپكەرشىلىگى. ەكىنشىدەن، «جەر اماناتى» كوميسسياسىنىڭ قۇرامىنا باس پروكۋراتۋرا دا، اۋىل شارۋاشىلىعى مينيسترلىگىنىڭ باسشىلىعى، جەر رەسۋرستارى كوميتەتىنىڭ باسشىسى، دەپۋتاتتار، سونىمەن قاتار قوعامدىق بەلسەندىلەر، قوعام وكىلدەرى دە كىرەدى. ونىڭ باسشىسىنىڭ ءبىرى ءوزىڭىز. سوندىقتان مەن دە سىزگە جالىندى سالەم ايتقىم كەلەدى. «جەر اماناتى» كوميسسياسى دا وسى ماسەلەگە قاتىستى ءار جاعىندا قالاي ءادىل ءبولىنىپ جاتىر، سونى قاداعالاۋعا، باقىلاۋعا بارلىق قۇزىرەتتى بار. بۇل ماسەلەنى جەرگىلىكتى بيلىك وكىلدەرى دە، مينيسترلىك تە قاراۋى كەرەك. كوميسسيا دا جاۋاپتى. ءبىراق سۇراق قويعاندا، باقىتجان جۇمابەك ۇلى، بۇل ءبىرىنشى رەت ەمەس، سىزگە سۇراق قويعاندا رەگلامەنتتى قامتاماسىز ەتەتىن پالاتانىڭ باسشىسى رەتىندە ەسكەرتۋ جاسايمىن»، - دەدى ول.
اۆتور
داۋلەت ىزتىلەۋ