جامبىلدا باسشىلار 30 ميلليون تەڭگەنىڭ بازاسىن 270 مىڭعا ساتىپ جىبەرگەن
تاراز. KAZINFORM - تالاس اۋدانىنىڭ پروكۋراتۋراسى جىلجىمايتىن كوممۋنالدىق مۇلىكتى زاڭسىز ساتۋ فاكتىسىن انىقتادى.
2008 -جىلى «يگىلىك» كوممۋنالدىق مەملەكەتتىك كاسىپورنىنىڭ باسشىلىعى كونكۋرس ۇيىمداستىرماي وسى مەكەمەنىڭ وندىرىستىك بازاسىن تىكەلەي ءۇشىنشى تۇلعالارعا 270 مىڭ تەڭگەگە ساتتى.
بۇل رەتتە بازانىڭ باعالاۋ قۇنى - 30 ميلليون تەڭگە.
2022 -جىلى زاڭسىز مەنشىك يەسى نەسيە الۋ ءۇشىن مۇلىكتى ميكروكرەديتتىك ۇيىمعا كەپىلگە قويعان.
وسى فاكت بويىنشا بىلتىر 18-قازاندا تالاس اۋدانىنىڭ پروكۋراتۋراسى ق ك 362-بابىنىڭ 4-بولىگى بويىنشا كاسىپورىننىڭ بۇرىنعى باسشىسىنا قاتىستى سوتقا دەيىنگى تەرگەۋ باستادى.
ونىڭ ناتيجەسى بويىنشا قىلمىستىق ءىس ەسكىرۋ مەرزىمى وتۋىنە وراي توقتاتىلدى.
سونىمەن قاتار پروكۋرورلىق قاداعالاۋ اكتىسى نەگىزىندە جامبىل وبلىسىنىڭ مامانداندىرىلعان اۋدانارالىق ەكونوميكالىق سوتىنىڭ 22-اقپان 2024 -جىلعى شەشىمىمەن اكىمدىكتىڭ ساتىپ الۋ-ساتۋ شارتى مەن كەپىلدى جارامسىز دەپ تانۋ تۋرالى تالاپ ارىزى قاناعاتتاندىرىلدى.
22-مامىردا اپەللياتسيالىق ساتى ءبىرىنشى ساتىنىڭ شەشىمىن وزگەرىسسىز قالدىردى.
سوت اكتىسى زاڭدى كۇشىنە ەندى، مۇلىك مەملەكەتكە تولىعىمەن قايتارىلدى.
