Google قازاقستانداعى ج ي دامۋىنداعى جەتىستىكتەردى جوعارى باعالادى

استانا. KAZINFORM - مەملەكەت باسشىسى Google كومپانياسىنىڭ ورتالىق جانە شىعىس ەۋروپا بويىنشا ۆيتسە-پرەزيدەنتى پاتريك ۆورنكينگتى قابىلدادى، دەپ حابارلايدى اقوردانىڭ باسپا ءسوز قىزمەتى.

استانا حالىقارالىق فورۋمى اياسىندا پرەزيدەنت قاسىم-جومارت توقايەۆ Google كومپانياسىنىڭ ورتالىق جانە شىعىس ەۋروپا بويىنشا ۆيسە- پرەزيدەنتى پاتريك ۆورنكينگپەن كەزدەستى.

پرەزيدەنت كومپانيانىڭ ەلىمىزدەگى سيفرلىق ترانسفورماتسياعا ەلەۋلى ۇلەس قوسقانىن اتاپ ءوتتى.

مەملەكەت باسشىسى قازاقستاننىڭ ەۋرازياداعى سيفرلىق حابقا اينالۋ جونىندە ستراتەگيالىق ماقسات قويعانىن جەتكىزدى. اتالعان ستراتەگيا تىرشىلىكتىڭ بارلىق سالاسىنا جاساندى ينتەللەكتىنى ەنگىزۋدى كوزدەيدى. ول ءۇشىن ەلىمىز سيفرلىق جانە كوممۋنيكاتسيالىق ينفراقۇرىلىمعا، سونداي-اق ەسەپتەۋ قۋاتىن ارتتىرۋعا بەلسەندى تۇردە ينۆەستيتسيا قۇيىپ جاتىر.

پاتريك ۆورنكينگ جاساندى ينتەللەكتىنى پايدالانىپ، تسيفرلىق كەلەشەككە جول اشۋ ءۇشىن ينفراقۇرىلىم ازىرلەۋ جانە مامان دايارلاۋ ىسىندە قازاقستاننىڭ قول جەتكىزگەن تابىسىنا جوعارى باعا بەردى.

بۇدان بۇرىن پرەزيدەنت توقايەۆ پەن پان گي مۋن تۇراقتى دامۋ ماسەلەلەرىن تالقىلاعانىن جازدىق.

اۆتور

اينۇر تۋماكبايەۆا