فور ەسسوزيمنا گناسسينگبەنىڭ قازاقستانعا رەسمي ساپارىنىڭ ماڭىزى قانداي- بەرىك ءۋالي ۇلى

مەملەكەت باسشىسىنىڭ شاقىرۋىمەن 27-28-قاراشادا توگو رەسپۋبليكاسىنىڭ پرەزيدەنتى فور ەسسوزيمنا گناسسينگبە استاناعا العاش رەت رەسمي ساپارمەن كەلەدى. وسى ورايدا قازاقستان پرەزيدەنتىنىڭ كەڭەسشىسى - باسپاءسوز حاتشىسى بەرىك ءۋالي ۇلى بۇل ساپاردىڭ ءمانى مەن ماڭىزى تۋرالى ايتتى، دەپ حابارلايدى Kazinform.

ونىڭ ايتۋىنشا، قازىرگى حالىقارالىق جاعدايدا قازاقستان سىرتقى ساياسي جانە ەكونوميكالىق ىنتىماقتاستىق اياسىن كەڭەيتۋگە مۇددەلى. وسىعان بايلانىستى افريكا ەلدەرىمەن اراداعى بايلانىستاردى جانداندىرۋ پەرسپەكتيۆتى باعىتتاردىڭ ءبىرى سانالادى.

«بۇگىندە بۇل قۇرلىقتىڭ دامۋ جانە ەكونوميكالىق ءوسىم الەۋەتى زور ەكەنىن اتاپ وتكەن ءجون. ق ح ر، رەسەي، ا ق ش، ەۋروپا وداعى جانە باسقا دا كوپتەگەن مەملەكەت پەن ايماقتىق بىرلەستىكتەر وسى كونتينەنتپەن ىنتىماقتاستىقتى نىعايتۋعا ەرەكشە نازار اۋدارادى. كەلەسى جىلى قازاقستان مەن توگو اراسىندا ديپلوماتيالىق قاتىناس ورناعانىنا 10 جىل تولادى. قازىرگى تاڭدا ەكى ەل ب ۇ ۇ، ي ى ۇ جانە افريكا وداعى سياقتى حالىقارالىق ۇيىمدار شەڭبەرىندە ىقپالداستىق ورناتقان. ەلىمىز 2013 -جىلدان باستاپ اتالعان قۇرلىقتىڭ 54 مەملەكەتىن بىرىكتىرەتىن افريكا وداعىندا باقىلاۋشى مارتەبەسىنە يە بولدى»، - دەدى بەرىك ءۋالي ۇلى.

پرەزيدەنت كەڭەسشى افريكا ەلدەرى، ونىڭ ىشىندە توگو قازاقستانعا جانە ونىڭ ەكونوميكالىق مۇمكىندىكتەرىنە زور قىزىعۋشىلىق تانىتىپ وتىرعانىن ءمالىم ەتتى.

«ساۋدا- ەكونوميكالىق قاتىناستاردى جاڭا دەڭگەيگە كوتەرۋ ءۇشىن مول الەۋەت بار. بىلتىر قازاقستاننىڭ افريكا مەملەكەتتەرىمەن اراداعى تاۋار اينالىمى 1 ميلليارد دوللاردان استى. بيىلعى 9 ايدىڭ ىشىندە ءوزارا ساۋدا- ساتتىق 568 ميلليون دوللارعا جەتتى. قازاقستان شيكىزات جانە شيكىزاتتىق ەمەس تاۋار تۇرلەرى بويىنشا اتالعان قۇرلىققا ەكسپورت كولەمىن ۇلعايتۋعا دايىن. تاۋ-كەن يندۋسترياسى، اۋىل شارۋاشىلىعى، كولىك جانە لوگيستيكا، تۋريزم، ءبىلىم بەرۋ سالالارىنداعى ىنتىماقتاستىقتى ىلگەرىلەتۋ ءۇشىن مول مۇمكىندىك بار»، - دەدى قازاقستان پرەزيدەنتىنىڭ كەڭەسشىسى - باسپاءسوز حاتشىسى بەرىك ءۋالي ۇلى.

اۆتور

ەلميرا ورالبايەۆا