فارماتسيەۆتيكا سالاسىندا 741 ميلليون تەڭگەنىڭ قارجىلىق زاڭ بۇزۋشىلىعى انىقتالدى
استانا. KAZINFORM – ق ر جوعارى اۋديتورلىق پالاتاسىنىڭ ءتوراعاسى ءاليحان سمايىلوۆ ءماجىلىستىڭ جالپى وتىرىسىندا 2024-2025 -جىلدارى فارماتسيەۆتيكا سالاسىندا جۇرگىزىلگەن ەكى اۋديتتىڭ قورىتىندىسىن جاريالادى.
- اۋديت ناتيجەلەرى ءدارى-دارمەكپەن قامتاماسىز ەتۋ سالاسىندا جۇيەلى جانە كەشەندى پروبلەمالاردىڭ بارىن كورسەتتى. انىقتالعان ماسەلەلەر بويىنشا ۇكىمەتكە ءتيىستى ۇسىنىمدار مەن دەنساۋلىق ساقتاۋ مينيسترلىگىنە تاپسىرمالار بەرىلدى. جوعارى اۋديتورلىق پالاتا الداعى ۋاقىتتا دا وسى باعىتتاعى جۇمىستىڭ ىلگەرىلەۋىن قاداعالاپ وتىرادى، - دەدى ءاليحان سمايىلوۆ.
سونداي-اق ول ەكى اۋديت ناتيجەسى بويىنشا قانشا تەڭگەنىڭ بۇزۋشىلىقتارى انىقتالعانىن اتاپ ءوتتى.
- جالپى ەكى اۋديتتىڭ قورىتىندىسى بويىنشا 741 ميلليون تەڭگەگە قارجىلىق زاڭ بۇزۋشىلىقتار، 32 ميلليارد تەڭگەگە قاراجاتتىڭ ءتيىمسىز جوسپارلانعانى جانە پايدالانىلعانى، 58 ميلليارد تەڭگەگە شىعىن مەن جىبەرىپ العان پايدا فاكتىلەرى انىقتالدى. اكىمشىلىك قۇقىق بۇزۋشىلىق بەلگىلەرى بار 134 فاكت بويىنشا ماتەريالدار ۋاكىلەتتى ورگاندارعا، بەس فاكت بويىنشا اۋديت ماتەريالدارى قۇقىق قورعاۋ ورگاندارىنا جىبەرىلدى، - دەدى جوعارى اۋديتورلىق پالاتاسىنىڭ ءتوراعاسى.
ايتا كەتەيىك، پرەپاراتتاردى تىركەۋ راسىمىندە دە شيكىلىكتەر انىقتالدى.
اۆتور
ەربول جانات
