شىمكەنتتە جاڭادان 2 يندۋستريالىق ايماق ىسكە قوسىلدى

شىمكەنت. KAZINFORM - شىمكەنتتە جاڭادان 2 يندۋستريالىق ايماق ىسكە قوسىلدى. بۇل ا ە ا- لاردا 293 جوبا ىسكە اسىرىلىپ جاتىر جانە 8 مىڭنان اسا جاڭا جۇمىس ورنى قۇرىلعان. بۇل تۋرالى قالا اكىمى عابيت سىزدىقبەكوۆ ايتتى.

«قازىرگى تاڭدا، 438 گەكتاردى قۇرايتىن جاڭادان 2 يندۋستريالىق ايماق ىسكە قوسىلدى. ءبىرىنشىسى - «جۇلدىز» يندۋستريالىق ايماعى. بۇل ايماقتى قۇرۋ جۇمىستارى 2020 -جىلى باستالىپ، بيىل تولىقتاي ىسكە قوسىلدى. مۇندا قۇرىلىس، مەتاللۋرگيا، فارماتسيەۆتيكا، جيھاز ونەركاسىبى شوعىرلانعان. ايماقتا جالپى كولەمى شامامەن 166 ميلليارد تەڭگەنى قۇرايتىن 46 ءىرى زاماناۋي كاسىپورىن اشىلادى. ەكىنشىسى، «بوزارىق» تاماق ونەركاسىبى يندۋستريالىق ايماعى. مۇندا قۇنى 44 ميلليارد تەڭگەنى قۇرايتىن 2 مىڭنان استام جۇمىس ورنىمەن 25 جوبا ىسكە اسادى»، - دەدى ول و ك ق الاڭىندا وتكەن باسپا ءسوز ءماسليحاتىندا.

اكىمنىڭ ايتۋىنشا، وسىلايشا بۇگىنگى تاڭدا قالادا جۇمىس ىستەپ تۇرعان يندۋستريالىق ايماقتاردىڭ سانى 7-گە جەتكەن. بۇل ايماقتاردا 293 جوبانى ىسكە اسىرۋ ارقىلى 8 مىڭنان اسا جاڭا جۇمىس ورىندارى اشىلىپ، قالا ەكونوميكاسىنا 225 ميلليارد تەڭگە ينۆەستيتسيا قۇيىلعان.

ايتا كەتەيىك، بۇعان دەيىن قالا باسشىسى شىمكەنتتە وڭدەۋ ونەركاسىبى سالاسىندا 12 جوبا ىسكە قوسىلىپ، 1000-نان استام جاڭا جۇمىس ورنى اشىلعانىن ايتقان بولاتىن.

اۆتور

ەربول جانات