شاۋەشەك قالاسىندا «باقتى-شاۋەشەك» فورۋمى اشىلدى
استانا. قازاقپارات - 17- قىركۇيەكتە قىتايدىڭ شاۋەشەك قالاسىنداعى «ورتالىق ازيا» مادەني الماسۋ ورتالىعىندا «باقتى - شاۋەشەك» فورۋمى اشىلدى.
شاۋەشەك قالاسىنا قازاقستان، رەسەي جانە باسقا دا ەلدەردەن ۇكىمەت پەن بيزنەس وكىلدەرى، عالىمدار مەن ساراپشىلار جينالدى. ولار ترانس شەكارالىق ىنتىماقتاستىق پەن باتىسقا اشىقتىقتىڭ جاڭا ارحيتەكتۋراسىن تالقىلاپ جاتىر.
قازاقستاننىڭ قىتايداعى ەلشىلىگىنىڭ كەڭەسشىسى بولات ۇسەنوۆ بيىلعى جىل قازاقستان مەن قىتاي اراسىنداعى مادەني الماسۋ جىلى ەكەنىن اتاپ ءوتتى. ونىڭ ايتۋىنشا، ۆيزاسىز رەجيم ەنگىزىلگەننەن كەيىن ەكى ەل اراسىنداعى تۋريستىك بايلانىس ايتارلىقتاي جاندانا تۇسكەن.
- بىلتىر قازاقستانعا 1 ميلليوننان استام قىتايلىق تۋريست كەلدى. ەندى تارباعاتايمەن بىرلەسىپ، پرەميۋم كلاستاعى ترانس شەكارالىق تۋريستىك مارشرۋتتار جاساعىمىز كەلەدى. سونىمەن قاتار تۋريستىك ينفراقۇرىلىمدى دامىتىپ، ونەر مەن سپورت سالالارىندا جاستار الماسۋىن جانداندىرۋدى جوسپارلاپ وتىرمىز، - دەدى بولات ۇسەنوۆ.
ايتا كەتەيىك، قىتايدان الماتىعا تۋريستىك پويىز تۇراقتى قاتىناي باستادى.
