بيىل كوپبالالى وتباسىلار مەن ناگرادتالعان انالار 253 ميلليارد تەڭگەدەن استام جاردەماقى الدى
استانا. قازاقپارات - 2025 -جىلدىڭ باسىنان باستاپ كوپبالالى وتباسىلارعا جانە ناگرادتالعان انالارعا بەرىلەتىن مەملەكەتتىك جاردەماقىلارمەن ورتا ەسەپپەن 855,9 مىڭ وتباسى جالپى سوماسى 253,4 ميلليارد تەڭگە مولشەرىندە، ونىڭ ىشىندە كوپبالالى وتباسىلارعا بەرىلەتىن جاردەماقىمەن - 613,7 مىڭ وتباسى، ناگرادتالعان اناعا بەرىلەتىن جاردەماقىمەن 242,2 مىڭ ادام قامتىلدى.
2025 -جىلدىڭ مامىر ايىندا جوعارىدا اتالعان جاردەماقىلارمەن 865,3 مىڭ وتباسى جالپى سوماسى 51,5 ميلليارد تەڭگە مولشەرىندە، ونىڭ ىشىندە: كوپبالالى وتباسىلارعا بەرىلەتىن جاردەماقىمەن 622,3 مىڭ وتباسى 45 ميلليارد تەڭگەگە؛ ناگرادتالعان اناعا بەرىلەتىن جاردەماقىمەن 243 مىڭ ادامعا 6,5 ميلليارد تەڭگە مولشەرىندە قامتىلدى.
كوپ بالالى وتباسىعا بەرىلەتىن مەملەكەتتىك جاردەماقىعا 4 جانە ودان دا كوپ بىرگە تۇراتىن كامەلەتكە تولماعان نەمەسە 23 جاسقا دەيىنگى كۇندىزگى بولىمدە وقيتىن ستۋدەنت بالالارى بار وتباسىلار تابىسىنا قاراماستان ۇمىتكەر بولا الادى.
تولەم مولشەرى بالا سانىنا قاراي ەسەپتەلىپ تولەنەدى جانە 2025 -جىلى:
4 بالاسى بار وتباسىلارعا - 16,03 ا ە ك نەمەسە 63030 تەڭگە؛
5 بالاعا - 20,04 ا ە ك نەمەسە 78798 تەڭگە؛
6 بالاعا - 24,05 ا ە ك نەمەسە 94565 تەڭگە؛
7 بالاعا - 28,06 ا ە ك نەمەسە 110332 تەڭگە؛
8 جانە ودان دا كوپ بالاسى بار وتباسىلارعا - ءار بالاعا 4 ا ە ك نەمەسە
15728 تەڭگە مولشەرىندە تولەندى.
ناگرادتالعان اناعا بەرىلەتىن جاردەماقى «التىن القا»، «كۇمىس القا» القالارىمەن ناگرادتالعان نەمەسە بۇرىن «باتىر انا» اتاعىن العان، 1 جانە Ⅱدارەجەلى «انا داڭقى» وردەندەرىمەن ناگرادتالعان انالارعا تاعايىندالادى.
ناگرادتالعان اناعا بەرىلەتىن جاردەماقى اي سايىن كەلەسى مولشەردە تولەنەدى:
«كۇمىس القا» القاسىمەن ناگرادتالعان انالارعا - 6,40 ا ە ك نەمەسە 25165 تەڭگە؛
«التىن القا» القاسىمەن ناگرادتالعان نەمەسە بۇرىن «باتىر انا» اتاعىن العان، 1 جانە Ⅱدارەجەلى «انا داڭقى» وردەندەرىمەن ناگرادتالعان انالارعا - 7,40 اەك نەمەسە 29097 تەڭگە.
2025 -جىلعى 1 -قاڭتاردان باستاپ بالالى وتباسىلارعا تاعايىندالاتىن مەملەكەتتىك جاردەماقىلاردىڭ مولشەرى %6,5- عا ارتقانىن اتاپ وتەمىز.
ەسكە سالايىق، ءبىرقاتار الەۋمەتتىك جاردەماقىنى تاعايىنداۋ قاعيدالارىنا وزگەرىستەر ەنگىزىلدى.
