بيىل ارال تابانىنا 275 مىڭ گەكتار سەكسەۋىل وتىرعىزىلادى

арал
Фото: Әлихан Асқар/Kazinform

استانا. KAZINFORM - بيىل ارال تەڭىزىنىڭ قۇرعاعان تابانىنا 275 مىڭ گەكتار سەكسەۋىل وتىرعىزىلادى. بۇل تۋرالى ارالدى قۇتقارۋ حالىقارلىق قورىنىڭ ورتالىق ازيا ەلدەرىنىڭ تۇراقتى دامۋى جونىندەگى مەملەكەتارالىق كوميسسياسى وتىرىسىندا ەكولوگيا جانە تابيعي رەسۋرستار ءمينيسترى ەرلان نىسانبايەۆ ايتتى.

«ورتالىق ازيا ەلدەرىنىڭ تۇراقتى دامۋى جونىندەگى مەملەكەتارالىق كوميسسياسى اياسىندا كوپتەگەن ءىس-شارا وتكىزدىك. وڭ ەڭ باستىسى - ارال تەڭىزىنە قاتىستى. وزبەكستانمەن بىرلەسىپ، ارالدىڭ قۇرعاعان تابانىندا سەكسەۋىل وتىرعىزۋ جوباسىن ىسكە اسىرىپ جاتىرمىز. سونىمەن قاتار ورتالىق ازيا ەلدەرىنىڭ قولداۋىمەن جاقىن ارادا تاجىكستاندا قالدىقتارمەن كۇرەس جونىندەگى وڭىرلىك ورتالىق قۇرىلدى. بۇگىن وسى كوميسسياعا ءتوراعالىقتى تاجىكستانعا تاپسىرامىز»، - دەدى مينيستر.

Қызылорда
Фото: Alikhan Sariyev
арал
Фото: Әлихан Асқар/Kazinform

ونىڭ اتاپ وتۋىنشە، ارال تەڭىزىنىڭ تابانىنا سەكسەۋىل وتىرعىزۋ كۇردەلى ماسەلە. بۇگىندە وزبەكستان تەڭىز تابانىنا 1 ميلليون ءتۇپ، ال قازاقستان 900 مىڭ گەكتار القاپقا سەكسەۋىل وتىرعىزدى.

«بىلعى جوسپار - 275 مىڭ، ال كەلەسى جىلعا - 280 مىڭ گەكتار. وسى كوكتەمدە 65 مىڭ گەكتارعا كوشەت وتىرعىزامىز. قالعانىن كۇزدە تۇقىم رەتىندە ەگەمىز. مۇنان بولەك، ارالدىڭ قۇرعاعان تابانىندا قۇدىق قازىپ، ءتالىمباق سالۋ جۇمىستارى جۇرگىزىلىپ جاتىر. بۇرىن سەكسەۋىلدى قازالى سىندى توپىراعى قۇنارلى جەردە وسىرسەك، قازىر سول تەڭىز تابانىندا ءوسىرۋ باعىتىندا جۇمىس ىستەلىنىپ جاتىر»، - دەدى ەرلان نىسانبايەۆ.

اۆتور

مارلان جيەمباي

سوڭعى جاڭالىقتار