بىرنەشە ەلمەن اۆتوكولىكپەن جۇك تاسىمالداۋ كەلىسىمدەرىنە وزگەرىس ەنگىزىلدى - مينيسترلىك

استانا. KAZINFORM - ق ر كولىك مينيسترلىگى بىرنەشە ەلمەن اۆتوكولىكپەن جۇك تاسىمالداۋ سالاسىنداعى كەلىسىمدەرگە تولىقتىرۋ ەنگىزىلگەنىن مالىمدەدى.

БАКАД дорога трасса автобан жол
Фото: Александр Павский/ Kazinform

- 2024 -جىلى اۆتوكولىك سالاسىنداعى 5 ۇكىمەت ارالىق كەلىسىمگە تۇزەتۋلەر ەنگىزىلگەن حاتتامالارعا قول قويىلدى. اتاپ ايتقاندا، ارمەنيامەن اراداعى كەلىسىمگە وزگەرىستەر ەنگىزىلدى، بۇل ءوز كەزەگىندە قازاقستان تاسىمالداۋشىلارىن شامامەن 100$ مولشەرىندە ەكولوگيالىق الىمداردى تولەۋدەن بوساتۋعا مۇمكىندىك بەرەدى. سونىمەن قاتار، قىرعىزستانمەن دە كەلىسىمگە وزگەرىستەر جاسالدى. وندا «كەگەن - قارقىرا» پۋنكتىنىڭ جۇمىس رەجيمىن 8 ساعاتتان 24 ساعاتقا وزگەرتۋ كوزدەلگەن، - دەلىنگەن مينيسترلىكتىڭ Kazinform اگەنتتىگىنە بەرگەن جاۋابىندا.

مۇنىمەن قوسا، وزبەكستانمەن اراداعى كەلىسىمگە دە تولىقتىرۋ ەنگىزىلدى. بۇل تۇرعىدا ەكى وتكىزۋ پۋنكتىنىڭ مارتەبەسى «ەكىجاقتىدان» «كوپجاقتى» دەپ وزگەرتىلگەن.

- وزبەكستانمەن اراداعى كەلىسىمگە ەنگىزىلگەن وزگەرىستەر اياسىندا قازاقستان تاسىمالداۋشىلارىن جۇك كوتەرگىشتىگى 3,5 تونناعا دەيىنگى اۆتوموبيلدەر ءۇشىن وزبەك رۇقسات بلانكىلەرىن الۋدان بوساتۋ كوزدەلگەن. مۇنىمەن قوسا، تۇركىمەنستانمەن دە كەلىسىمگە وزگەرىستەر ەنگىزىلدى. وندا جۇكتەردى ەكىجاقتى، ترانزيتتىك جانە ءۇشىنشى ەلدەرگە تاسىمالدارىنا رۇقساتسىز جۇيە ەنگىزۋ قاراستىرىلعان. قازىرگى ۋاقىتتا اتالعان قۇجاتتاردىڭ كۇشىنە ەنۋى ءۇشىن ءتيىستى مەملەكەت ىشىلىك راسىمدەر جۇرگىزىلىپ جاتىر، - دەپ اتالىپ وتكەن ۆەدومستۆو اقپاراتىندا.

ەسكە سالساق، قازاقستان ءبىرقاتار ەلمەن اۆتوكولىكپەن جۇك تاسىمالداۋ سالاسىندا كەلىسىم جاسايتىنى حابارلانعان ەدى.

اۆتور

رۋسلان عابباسوۆ

سوڭعى جاڭالىقتار