بازالىق ءدارى-دارمەكتىڭ 37,5 پايىزى وزىمىزدە وندىرىلەدى - مينيستر
استانا. KAZINFORM - قازاقستان دۇنيەجۇزىلىك دەنساۋلىق ساقتاۋ ۇيىمىنىڭ تىزىمىندەگى بازالىق ءدارى-دارمەكتىڭ 62 پايىزىن وزىندە وندىرمەكشى. دەنساۋلىق ساقتاۋ ءمينيسترى اقمارال ءالنازاروۆا ۇكىمەت وتىرىسىندا وسىنداي جوسپارىن ءبولىستى.
«ەلىمىزدە ءدارى-دارمەكتىڭ جەتكىلىكتىلىگىن قامتاماسىز ەتۋ ءۇشىن دۇنيەجۇزىلىك دەنساۋلىق ساقتاۋ ۇيىمى ۇسىنعان نەگىزگى دارىلىك زاتتاردىڭ ءتىزىمى جاسالىپ، 283 دارىلىك زات ىرىكتەپ الىندى. قازىر وسى تىزىمدەگى 107 دارىلىك زات (37,5 پايىز) قازاقستان اۋماعىندا وندىرىلەدى. الداعى ۋاقىتتا قالعان 178 دارىلىك زاتتىڭ (62,5 پايىز) ءوندىرىسىن جولعا قويۋعا باسىمدى بەرىلەدى»، - دەدى ول.
مينيستر اۋىلدارداعى مەديتسينالىق مەكەمەلەر وتاندىق بۇيىمدارمەن جابدىقتالىپ جاتقانىن اتاپ ءوتتى.
«اۋىلدىق جەرلەردە دەنساۋلىق ساقتاۋدى جاڭعىرتۋ» ۇلتتىق جوباسى شەڭبەرىندە مەديتسينا وبەكتىلەرىن جوبالاۋ جانە سالۋ كەزىندە مىندەتتى تۇردە وتاندىق وندىرۋشىلەردىڭ مەديتسينالىق تەحنيكا ونىمدەرى ەنگىزىلىپ، جاراقتاندىرۋ كورسەتكىشى 72 پايىز بولدى»، - دەدى اقمارال ءالنازاروۆا.
اۆتور
ەسىمجان ناقتىباي
