اتوم ەلەكتر ستانساسى قۇرىلىسى: كونسورتسيۋم قۇرامى ءالى قالىپتاسقان جوق

استانا. KAZINFORM - ق ر ەنەرگەتيكا مينيسترلىگى قازىر ا ە س قۇرىلىسىنداعى كونسورتسيۋم اياسىندا 4 ەلمەن كەلىسسوز ءجۇرىپ جاتقانىن مالىمدەدى.

аэс
Фото: pixabay

- قازاقستاننىڭ وڭتۇستىك وڭىرىندە قۋاتتىلىعى جوعارى ءبىرىنشى ا ە س سالۋ جوسپارلانعان. ا ە س قۇرىلىسىنىڭ كەيىنگى جوبالارى ءۇشىن ىقتيمال مەرزىمدەر، نەعۇرلىم قولايلى اۋماقتار، ورىن جانە رەاكتورلىق تەحنولوگيالاردى جەتكىزۋشىلەر بويىنشا شەشىم وڭىرلەردىڭ ەلەكتر ەنەرگياسىنا قاجەتتىلىكتەرىن تالداۋ نەگىزىندە، سونداي- اق ەكولوگيالىق، ەكونوميكالىق جانە تەحنولوگيالىق اسپەكتىلەردى ەسكەرە وتىرىپ قابىلدانادى. قازىرگى ۋاقىتتا اتوم ەلەكتر ستانسياسىن سالۋدىڭ العاشقى جوباسى بويىنشا كونسورتسيۋم قۇرامى ءالى قالىپتاسقان جوق، - دەلىنگەن مينيسترلىكتىڭ Kazinform اگەنتتىگىنە بەرگەن جاۋابىندا.

ۆەدومستۆو اقپاراتىنا قاراعاندا، كونسورتسيۋم بويىنشا شەشىم قابىلداۋ باسەكەلەستىك ديالوگ راسىمىنە سايكەس جۇرگىزىلەتىن كەلىسسوزدەردىڭ ناتيجەلەرىنە بايلانىستى بولادى. بۇل ىنتىماقتاستىقتىڭ بارلىق اسپەكتىلەرىن - تەحنيكالىق ماسەلەلەردەن ەكونوميكالىق جانە قۇقىقتىق ماسەلەلەرگە دەيىن تالقىلاۋعا مۇمكىندىك بەرەدى.

- قازىر رەسەي، فرانسيا، قىتاي جانە وڭتۇستىك كورەيا جەتكىزۋشىلەرىمەن (ۆەندور) كونسورتسيۋم اياسىندا ىنتىماقتاستىق مۇمكىندىكتەرى تالقىلانىپ جاتىر. جەتكىزۋشىنى نەمەسە كونسورتسيۋمدى تاڭداۋ بويىنشا تۇپكىلىكتى شەشىم كەلىسسوزدەر اياقتالعاننان كەيىن، سونداي-اق جەتكىزۋشىلەردىڭ ۇسىنىستارىن تالداعاننان كەيىن وسى جىل ىشىندە جاسالادى، - دەپ ناقتىلادى ەنەرگەتيكا مينيسترلىگى.

ەسكە سالساق، بىلتىر جەلتوقسان ايىنىڭ اياعىندا پرەزيدەنت ەنەرگەتيكا ءمينيسترى الماسادام ساتقاليەۆتى قابىلدادى.

ق ر پرەزيدەنتى جانىنداعى شەتەلدىك ينۆەستورلار كەڭەسىنىڭ 36- پلەنارلىق وتىرىسىندا مەملەكەت باسشىسى قاسىم-جومارت توقايەۆ ايتتى قازاقستان ا ە س قۇرىلىسى ءۇشىن حالىقارالىق كونسورتسيۋم قۇرۋ ماسەلەسىن پىسىقتاپ جاتقانىن ايتتى.

ايتا كەتەيىك، بىلتىر كۇزدە ورتالىق رەفەرەندۋم كوميسسياسى 6 -قازاندا وتكەن رەسپۋبليكالىق رەفەرەندۋمنىڭ تۇپكىلىكتى قورىتىندىسىن جاريالادى.

وعان سايكەس، داۋىس بەرۋگە قاتىسقان ازاماتتاردىڭ 71,12 پايىزى نەمەسە 5561937 ادام قازاقستاندا اتوم ەلەكتر ستانساسىن سالۋ ماسەلەسىن قولدادى. ال قارسى داۋىس بەرگەندەر سانى - 2045271 ادام.

اۆتور

رۋسلان عابباسوۆ

سوڭعى جاڭالىقتار