استانادا LRT دەپوسىنىڭ قۇرىلىسى باستالدى
استانا. KAZINFORM - ەلوردادا LRT جوباسىنىڭ نەگىزگى ينفراقۇرىلىمدىق نىسانى - دەپونىڭ قۇرىلىسى باستالدى. بۇل تۋرالى CTS كومپانياسىنىڭ باسپا ءسوز قىزمەتى حابارلايدى.
دەپو حالىقارالىق اۋەجاي ماڭايىنداعى 16,84 گ ا اۋماق جەردە ورنالاسادى جانە LRT جۇيەسىنە تەحنيكالىق قىزمەت كورسەتۋ جانە باسقارۋ ورتالىعىنا اينالادى.
«دەپو عيماراتتارىنىڭ جالپى اۋدانى شامامەن 80 مىڭ شارشىنى قۇرايدى. وندا جىلجىمالى قۇرامعا تولىققاندى تەحنيكالىق قىزمەت كورسەتۋ جانە جوندەۋ ءۇشىن قاجەتتى بارلىق نىسان ورنالاستىرىلادى. كەشەن ۆاگونداردى جۋۋ عيماراتىنان، قوسالقى بولشەكتەر مەن جابدىقتار قويمالارىنان، جولداردى جوندەۋگە ارنالعان ارنايى تەحنيكا، سونداي- اق قىزمەتكەرلەردى وقىتۋ جانە بىلىكتىلىگىن ارتتىرۋعا ارنالعان اكىمشىلىك عيماراتتاردان تۇرادى»، - دەلىنگەن حابارلامادا.
دەپو اۋماعىندا پيلوتسىز پويىزداردى باسقارۋ ورتالىعى دا قۇرىلادى. اۆتوماتتاندىرىلعان باسقارۋ جۇيەسى قاۋىپسىزدىك پەن تيىمدىلىكتى ەداۋىر ارتتىرۋعا مۇمكىندىك بەرەدى. سونداي-اق دەپونى ىسكە قوسۋ، تەجەۋ جانە ستانسيالاردا توقتاۋ سياقتى پروتسەستەردى اۆتوماتتاندىرىپ، ادامي فاكتوردى بارىنشا ازايتادى.
«ەستاكادا بويىنشا نەگىزگى قۇرىلىس جۇمىستارىنىڭ اياقتالۋىنا بايلانىستى، قىسقى كەزەڭدە قۇرىلىس تەحنولوگياسىنا سايكەس، LRT جوباسىنىڭ جۇمىستارى دەپو قۇرىلىسىنا شوعىرلانادى»، - دەپ تولىقتىردى مەكەمەدەن.
بۇعان دەيىن LRT پويىزى وپەراتورلارىن وقىتۋعا الدىن الا قابىلداۋ باستالاتىنى تۋرالى حابارلاعان ەدىك.
اۆتور
داۋلەت ىزتىلەۋ
