گ. ءابدىقالىقوۆا: «ەكسپو» كورمەسىنىڭ باستى ماقساتىنىڭ ءبىرى - قازاقتىڭ مادەنيەتى مەن ءداستۇرىن ناسيحاتتاۋ
بۇل تۋرالى اقوردانىڭ باسپا ءسوز قىزمەتىنەن حابارلادى.
كەڭەس جۇمىسىنا مادەنيەت جانە سپورت مينيسترلىگى، استانا قالاسى اكىمدىگى، «استانا ەكسپو-2017 ۇ ك» ا ق وكىلدەرى قاتىستى.
مەملەكەتتىك حاتشى ءوز سوزىندە حالىقارالىق «ەكسپو-2017» مامانداندىرىلعان كورمەسىنىڭ باستى ماقساتىنىڭ ءبىرى - ەلىمىزدىڭ جاڭا عىلىمي- تەحنيكالىق جەتىستىكتەرى مەن جاھاندىق اۋقىمداعى دامۋ پەرسپەكتيۆالارىن كەڭىنەن كورسەتۋمەن قاتار، قازاقستاننىڭ باستى بايلىعى - بىرەگەي مادەنيەت پەن كوپۇلتتى حالقىمىزدىڭ ءداستۇرىن ناسيحاتتاۋ ەكەنىن اتاپ كورسەتتى.
كەڭەستە مادەنيەت جانە سپورت ۆيتسە- ءمينيسترى ع. احمەدياروۆتىڭ، استانا قالاسى اكىمىنىڭ ورىنباسارى ە. امانشايەۆتىڭ، «استانا ەكسپو-2017 ۇ ك» ا ق باسقارماسى ءتوراعاسىنىڭ ءبىرىنشى ورىنباسارى ءا. پىرمەتوۆتىڭ ەكسپو-2017 كورمەسىن وتكىزۋ اياسىنداعى مادەني باعدارلامانى دايىنداۋ جانە ۇيىمداستىرۋ بارىسى تۋرالى اقپاراتتارى تىڭدالدى.
ەلباسى تاپسىرماسىن ورىنداۋ ماقساتىندا ق ر مادەنيەت جانە سپورت مينيسترلىگى مەن «استانا ەكسپو-2017 ۇ ق» اكتسيونەرلىك قوعامى بىرلەسە وتىرىپ، قازاقستاننىڭ تاريحىن، مادەنيەتىن جانە ءداستۇرىن پاش ەتەتىن مادەني- كورىنىستىك ءىس- شارالاردى قامتيتىن كەشەندى باعدارلاما ازىرلەدى.
كەشەندى باعدارلاما جوباسىندا ۇلى دالا ەلىنىڭ مادەنيەت پەن ونەردەگى جەتىستىكتەرىن كەڭىنەن ناسيحاتتاۋ ماقساتىندا ءتۇرلى جانرلىق باعىتتاردى قامتيتىن رەسپۋبليكالىق جانە وڭىرلىك وزىق شىعارماشىلىق ۇجىمداردىڭ، مادەنيەت ۇيىمدارىنىڭ، سونداي-اق قازاقستاننىڭ ونەر شەبەرلەرى مەن تالانتتى جاستارىنىڭ قاتىسۋىمەن مادەني ءىس-شارالار وتكىزۋ كوزدەلگەن.
«ەكسپو-2017» كورمەسىنىڭ ءوتۋى بارىسىندا ءتۇرلى ساناتتاعى قوناقتار، اسىرەسە الىس جانە جاقىن شەت ەلدەردەن كەلۋشىلەر قازاقتىڭ مادەنيەتىمەن، ءبىرىنشى كەزەكتە ونىڭ داستۇرىمەن تانىسۋعا قىزىعۋشىلىق تانىتادى. وسىلايشا، قازاق حالقىنىڭ ءداستۇرلى مادەنيەتى قازاقستاننىڭ جاعىمدى بەينەسىن قالىپتاستىرۋعا جانە ەلىمىزدىڭ تۋريستىك تارتىمدىلىعىن ارتتىرۋعا باعىتتالعان يميدجدىك جوباعا اينالادى.
مەملەكەتتىك حاتشى كەڭەس قورىتىندىسى بويىنشا مەملەكەتتىك ورگاندارعا ءبىرقاتار ناقتى تاپسىرما بەردى.
