اسقار ءمامين مەن اماندىق باتالوۆ «قۇرعاق پورتتىڭ» وپەراتسيالىق قىزمەتىمەن تانىستى - الماتى وبلىسى
ساپار بارىسىندا ايماقتى دامىتۋعا قاتىستى جوبالاردىڭ جۇزەگە اسىرىلۋ بارىسىنا قاتىستى سۇراقتارمەن قاتار، الەمنىڭ ەڭ ءىرى «DubaiPortWorld» لوگيستيكالىق كومپانيسىنىڭ بىرلەسكەن باسقارۋىنداعى «قۇرعاق پورتتىڭ» وپەراتسيالىق قىزمەتىنىڭ قازىرگى جاي-كۇيىمەن تانىستى.
سونىمەن قاتار، نۇركەنت ەلدى مەكەنىنىڭ نەگىزىندەگى جاڭا قالانىڭ ءبىرىنشى كەزەكتەگى قۇرىلىسىن جۇرگىزۋدىڭ باس جوسپارى جوباسىمەن جانە قۇرىلىسى 2016-جىلى اياقتالۋى جوسپارلانعان «الماتى - قورعاس» اۆتوموبيل جولى قۇرىلىس جوباسىنىڭ ىسكە اسىرىلۋ بارىسىمەن تانىستى.
ەستەرىڭىزگە سالا كەتسەك، «قۇرعاق پورت» ءوزىنىڭ وپەراتسيالىق قىزمەتىن ەكى ايدىڭ كولەمىندە جۇرگىزۋدە. ەۆرو وداقتان ق ح ر- عا جانە ق ح ر- دان ەۆرازيا قۇرلىعىنا اۆتوموبيل كولىكتەرىن تاسىمالداۋ قىزمەتىن كورسەتىپ وتىر.
قىزمەتكەرلەردىڭ شتاتتىق بىرلىگى جەرگىلىكتى تۇرعىنداردان جاساقتالعان. ولار الەمنىڭ الدىڭعى قاتارلى لوگيستيكالىق ورتالىقتارىنان بىلىمدەرىن جەتىلدىرىپ تۇرادى. «HewlettPackard», «DBSchenker», «Toyota», «FESCO», «BRAVIS» كومپانيالارىمەن «قورعاس - شىعىس قاقپاسى» ارنايى ەكونوميكالىق ايماعىندا وڭدەپ، التىنكول ستانسياسى ارقىلى كونتەينەرلىك پوەزداردى ترانزيتتەۋدى قالىپتاستىرۋ بويىنشا كەلىسىم-شارتتارعا قول قويىلدى.
سونداي-اق «قۇرعاق پورت» جوباسى اياسىندا تەمىرجولدىڭ كىرمە جولدارى، قويمالار مەن كونتەينەرلەر الاڭى سالىندى. وسى كەزەڭدە «قورعاس» شەكارا ماڭى ىنتىماقتاستىعى حالىقارالىق ورتالىعىندا ەكسپورتتاۋ-يمپورتتاۋ بويىنشا ساۋدا-ساتتىق وپەراتسيالارىن قالىپتاستىرۋ جانە كەلىسىم-شارتتىق لوگيستيكا بويىنشا 5 ينۆەستيتسيالىق جوبا ىسكە اسىرىلۋدا. تاعى 10 جوبا قاراستىرىلۋ ۇستىندە. جوبالاردىڭ ينۆەستيتسيالىق جالپى قۇنى 300 ميلليون تەڭگەنى قۇرايدى.
«نۇرلى جول» باعدارلاماسى اياسىندا ىسكە اسىرىلىپ جاتقان جوبالار قازاقستاننىڭ ترانزيتتىك-كولىكتىك الەۋەتىن دامىتۋعا جانە جاڭا جىبەك جولى ەكونوميكالىق بەلدەۋىن قۇرۋعا ۇلكەن سەرپىن بەرەتىندىگى انىق.
