اقتوبەدە ەۋرووداققا جۇك تاسىمالدايتىن اۋە حابىن قۇرۋعا دايىنبىز - قاسىم-جومارت توقايەۆ
استانا. KAZINFORM - پرەزيدەنت قاسىم-جومارت توقايەۆ تاۋەلسىزدىك سارايىنداعى «ورتالىق ازيا- قىتاي» سامميتىندە قىتايلىق ينۆەستورلاردى ترانسشەكارالىق وزەندەردىڭ سۋ جولى ارقىلى لوگيستيكانى بىرلەسىپ دامىتۋعا شاقىردى.
- كەلەشەكتە قىتايلىق سەرىكتەستەرىمىز ترانسشەكارالىق وزەندەردىڭ سۋ جولى ارقىلى تاسىمالدى دامىتۋعا قاتىساتىنىنا ءۇمىت ارتامىز. قازاقستاننىڭ باتىس بولىگىندەگى اقتوبە قالاسىندا تاۋارلاردى ەۋروپالىق وداق ەلدەرىنە اۋە كولىگىمەن ترانزيتتەۋگە ارنالعان جۇك اۆياحابىن قۇرۋعا دايىنبىز، - دەدى مەملەكەت باسشىسى.
قاسىم-جومارت توقايەۆ قازاقستان مەن قىتاي اراسىنداعى ساۋدانى بىرنەشە ەسە ارتتىراتىن باسقا دا اۋقىمدى جانە پەرسپەكتيۆالى كولىك- لوگيستيكالىق جوبالار بار ەكەنىن ەسكە سالدى.
- بۇل ماسەلەلەردىڭ ءبارى مۇقيات پىسىقتاۋدى تالاپ ەتەدى. سوندىقتان كولىك-لوگيستيكالىق دالىزدەردى دامىتۋدىڭ كەشەندى ستراتەگياسىن ازىرلەۋ ءۇشىن ساراپتامالىق پلاتفورما قۇرۋ، سونداي-اق تاۋارلاردى جەدەل كەدەندىك رەسىمدەۋدى ەنگىزۋدىڭ جول كارتاسىن قابىلداۋ قاجەت دەپ سانايمىز، - دەدى پرەزيدەنت.
