انتيكور مىرزاحمەتوۆتىڭ ءىسى بويىنشا مەملەكەتكە قوسىمشا 7 ميلليارد تەڭگە قايتاردى
استانا. KAZINFORM - قازاقستان سىبايلاس جەمقورلىققا قارسى ءىس-قيمىل اگەنتتىگى مەملەكەت باسشىسىنىڭ تاپسىرماسىن ورىنداۋ ماقساتىندا زاڭسىز ساتىپ الىنعان اكتيۆتەردى قايتارۋ بويىنشا تۇراقتى نەگىزدە جۇمىس جۇرگىزىپ جاتىر.
قازىرگى ۋاقىتتا «اتامەكەن» ۇلتتىق كاسىپكەرلەر پالاتاسىنىڭ بۇرىنعى ءتوراعاسى ا. ي. مىرزاحمەتوۆكە قاتىستى سوتقا دەيىنگى تەرگەپ- تەكسەرۋ بويىنشا مەملەكەت كىرىسىنە 7 ميلليارد تەڭگە سوماسىندا زاڭسىز الىنعان اقشالاي قاراجات اۋدارىلدى.
الەۋمەتتىك ادىلەتتىلىكتى قالپىنا كەلتىرۋگە جانە مەملەكەتكە قايتارىلعان اكتيۆتەردى ەلدى دامىتۋ ماقساتىندا پايدالانۋعا باعىتتالعان بۇل جۇمىستىڭ ماڭىزدىلىعىن اتاپ وتكەن ءجون. جالپى، جىل باسىنان باستاپ سىبايلاس جەمقورلىققا قارسى قىزمەت اياقتالعان قىلمىستىق ىستەر شەڭبەرىندە شامامەن 195 ميللياراد تەڭگەنى وتەدى.
«سوڭعى 2,5 جىلدا، ونىڭ ىشىندە وليگوپوليالار تاراپىنان قازاقستان حالقىنا 1,09 تريلليون تەڭگە قايتارىلدى. وسى باعىت بويىنشا جۇمىس جالعاسىپ جاتىر جانە اگەنتتىكتىڭ ەرەكشە باقىلاۋىندا» ، - دەلىنگەن اگەنتتىك حابارلاماسىندا.
ايتا كەتەيىك، 10-مامىردا «اتامەكەن» ۇلتتىق كاسىپكەرلەر پالاتاسى باسقارماسىنىڭ ەكس- ءتوراعاسى ابىلاي مىرزاحمەتوۆ ۇستالدى.
ول الاياقتىق پەن كاسىپكەردى ونىڭ تۋىسىن قىلمىستىق جاۋاپكەرشىلىكتەن بوساتۋعا جاردەمدەسكەنى ءۇشىن اسا ءىرى كولەمدە پارا بەرۋگە يتەرمەلەگەن دەگەن كۇدىككە ءىلىندى.
ادىلەت ۆيتسە- ءمينيسترى بوتاگوز جاقسەلەكوۆا «اتامەكەن» ۇلتتىق كاسىپكەرلەر پالاتاسى باسقارماسىنىڭ ەكس- ءتوراعاسى ابىلاي مىرزاحمەتوۆتىڭ ۇستالۋىنا قاتىستى پىكىر ءبىلدىردى.
ابىلاي مىرزاحمەتوۆ ءىسى سوتقا جولداندى.
ەلوردادا «اتامەكەن» ۇلتتىق كاسىپكەرلەر پالاتاسى باسقارماسىنىڭ ەكس- ءتوراعاسى ابىلاي مىرزاحمەتوۆتىڭ ءىسى بويىنشا الدىن الا تىڭداۋ بولدى.
پروكۋرور سوتتى جابىق رەجيمدە وتكىزۋدى ۇسىندى.
اتامەكەن» ۇلتتىق كاسىپكەرلەر پالاتاسىنىڭ بۇرىنعى باسشىسى ابىلاي مىرزاحمەتوۆتىڭ ءىسى جابىق قارالادى.
ابىلاي مىرزاحمەتوۆ 5 جىلعا باس بوستاندىعىنان ايىرىلدى.
اۆتور
ەلميرا ورالبايەۆا
