الماتى وبلىسىندا سالىنىپ جاتقان الاتاۋ قالاسى كورەيادا تانىستىرىلدى

استانا. KAZINFORM -الماتى وبلىسىنداعى جاڭا الاتاۋ قالاسىندا بوي كوتەرەتىن العاشقى نىسان كاسىپكەرلىكتى قولداۋ ورتالىعى بولماق.

Алматы облысындағы Қонаев және Алатау қалаларын дамыту жоспары
Фото: primeminister.kz

ونى 3-5 جىلدىڭ ىشىندە سالۋعا بولادى. بۇل تۋرالى سەۋلدە ينۆەستيتسيالىق جوبانىڭ تۇساۋكەسەر راسىمىندە ايتىلدى.

وڭتۇستىك كورەيا ۇلتتىق اسسامبلەياسىنىڭ عيماراتىندا وتكەن ءىس-شاراعا پارلامەنت دەپۋتاتتارى مەن ءىرى كومپانيالاردىڭ وكىلدەرى قاتىستى.

ەستەرىڭىزگە سالا كەتەيىن، قازاقستان ۇكىمەتى وتكەن ايدا الاتاۋ قالاسىن دامىتۋ جوسپارىن بەكىتكەن بولاتىن. بۇل اۋقىمدى جوبانى جۇزەگە اسىرۋعا قازاقستاندىق، وڭتۇستىك كورەيالىق جانە سينگاپۋرلىق كومپانيالار قاتىسۋدا.

كيم حيەن سۋ، بيزنەستى دامىتۋ مەنەدجەرى:

- 4-ونەركاسىپتىك رەۆوليۋتسيا، ەلەكترموبيلدەر، اتوم ەلەكتر ستانسيالارى - بۇل كورەيانىڭ مىقتى جاقتارى. سوندىقتان الاتاۋ قالاسىندا بۇل باعىتتاردى دامىتۋعا بولادى دەپ ويلايمىن. قازاقستان جوبانى جۇزەگە اسىرۋ ءۇشىن زاڭناما ازىرلەۋدى اياقتاي سالىسىمەن وعان وڭتۇستىك كورەيانىڭ 3 كورپوراتسياسى مەن 100-گە جۋىق ورتا بيزنەس وكىلدەرى ينۆەستيتسيا سالعىسى كەلەدى. كورەيادا 5 ءىرى كلينيكا بار. ولارعا ت م د ەلدەرىنەن كليەنتتەر كوپ كەلەدى. الاتاۋدا كورەيلىك مەديتسينالىق جۇيە سالساق، وسى كليەنتتەردىڭ بارلىعىن قازاقستانعا تارتا الامىز دەپ ويلايمىن.

https://24.kz

سوڭعى جاڭالىقتار