الماتى وبلىسىندا اۋدان اكىمدىكتەرىنىڭ ءبىرىن پروكۋراتۋرا تەكسەرىپ جاتىر
قونايەۆ. KAZINFORM - الماتى وبلىسى قاراساي اۋدانىنىڭ اكىمدىگى پروكۋراتۋرا نازارىنا ىلىكتى.
Kazinform ساۋالىنا جاۋاپ بەرگەن قاراساي اۋدانىنىڭ پروكۋرورى جانىبەك جاكايەۆ وبلىس پروكۋراتۋراسىنىڭ تاپسىرماسى نەگىزىندە قاراساي اۋدانى اكىمى اپپاراتىنىڭ قىزمەتىنە قاتىستى تەكسەرۋ ءىس-شارالارى جۇرگىزىلىپ جاتقانىن راستادى.
- تەكسەرۋ جەر قاتىناستارى سالاسىندا زاڭدىلىقتىڭ ساقتالۋ ماسەلەسى بويىنشا جۇرگىزىلۋدە جانە اتالعان تەكسەرۋگە وبلىس پروكۋراتۋراسىنىڭ تاپسىرماسى نەگىز بولدى. وسى رەتتە قاراساي اۋدانى اكىمىنىڭ اپپاراتىنا قاتىستى تەكسەرۋدىڭ اياقتالماۋىنا بايلانىستى، انىقتالعان زاڭ بۇزۋشىلىقتار بويىنشا الدىن الا اقپاراتتى ۇسىنۋ مۇمكىن ەمەس، - دەلىنگەن جانىبەك جاكايەۆ جاۋابىندا.
بۇعان دەيىن ءماجىلىس دەپۋتاتى باقىتجان بازاربەك قاراساي اۋدانىنىڭ اكىمدىگىنە قاتىستى تەكسەرۋ باستالعانىن ايتقان ەدى.
اۆتور
دوسبول اتاجان
