الەكسەي سوي پرەزيدەنتتىڭ كەڭەسشىسى لاۋازىمىنا تاعايىندالدى

استانا. KAZINFORM - اقوردا الەكسەي سويدىڭ پرەزيدەنتتىڭ كەڭەسشىسى لاۋازىمىنا تاعايىندالعانىن حابارلادى.

- مەملەكەت باسشىسىنىڭ وكىمىمەن الەكسەي ۆلاديميروۆيچ سوي قازاقستان رەسپۋبليكاسى پرەزيدەنتىنىڭ الەۋمەتتىك ماسەلەلەر جونىندەگى كەڭەسشىسى لاۋازىمىنا تاعايىندالدى، - دەلىنگەن قۇجاتتا.

ايتا كەتەيىك، الەكسەي سوي 1977 -جىلى شىمكەنت قالاسىندا دۇنيەگە كەلگەن.

ءبىلىمى:

- 2001 -جىلى وڭتۇستىك قازاقستان مەملەكەتتىك مەديتسينالىق اكادەمياسىن ءبىتىرىپ، دارىگەر ماماندىعىن العان.

- 2007 -جىلى «دانەكەر» حالىقارالىق قۇقىق جانە حالىقارالىق بيزنەس ينستيتۋتىنىڭ زاڭ فاكۋلتەتىن ءتامامداپ، زاڭگەر ماماندىعىن يەلەنگەن.

ەڭبەك جولى:

- 2001- 2007 -جىلدارى ق ر دەنساۋلىق ساقتاۋ مينيسترلىگىنىڭ «ۇلتتىق عىلىمي مەديتسينالىق ورتالىعىندا» حيرۋرگ-ەندوسكوپيست بولىپ جۇمىس ىستەدى.

- 2007 -جىلدان باستاپ پرەزيدەنت ءىس باسقارماسى جۇيەسىندەگى قازىرگى زامانعى مەديتسينالىق تەحنولوگيالاردى ەنگىزۋ ورتالىعىندا جەتەكشى عىلىمي قىزمەتكەر، كەيىن ديرەكتور بولدى.

- 2010- 2011 -جىلدارى پرەزيدەنت ءىس باسقارماسى مەديتسينالىق ورتالىعىنىڭ باسشىسى بولدى.

- 2011- 2014 -جىلدارى استانا قالاسى اكىمدىگىنە قاراستى №1 قالالىق اۋرۋحانانىڭ باس دارىگەرى قىزمەتىن اتقاردى.

- 2014- 2017 -جىلدارى - ق ر دەنساۋلىق ساقتاۋ جانە الەۋمەتتىك دامۋ ۆيتسە- ءمينيسترى.

- 2017- 2019 -جىلدارى - ق ر دەنساۋلىق ساقتاۋ ۆيتسە-ءمينيسترى.

- 2019 -جىلدىڭ اقپانىنان باستاپ - پرەزيدەنت ءىس باسقارماسى مەديتسينالىق ورتالىعىنىڭ باسشىسى.

- 2020 -جىلعى 22 -ماۋسىمنان باستاپ - ق ر دەنساۋلىق ساقتاۋ ءبىرىنشى ۆيتسە-ءمينيسترى.