Alatau city ازياداعى ەڭ ءىرى ارنايى ەكونوميكالىق ايماققا اينالادى

استانا. قازاقپارات - Alatau city ازياداعى ەڭ ءىرى ارنايى ەكونوميكالىق ايماق بولادى. جالپى اۋدانى 97 مىڭ گەكتارعا جۋىقتايدى. ادامي كاپيتالدى، تىڭ تەحنولوگيالاردى جانە ينۆەستيتسيالاردى تارتۋ نۇكتەسىنە اينالادى.

 170تەن استام جوبا جۇزەگە اسىرىلىپ، 110 مىڭ جۇمىس ورنى قۇرىلۋى مۇمكىن. Alatau city الماتى وبلىسىنىڭ دامۋىنا جانە حالىقتىڭ ءومىر ءسۇرۋ ساپاسىن ارتتىرۋعا ىقپال ەتەتىن جاڭا ونەركاسىپتىك جانە تۋريستىك ورتالىق بولماق. ءوڭىردىڭ جاڭا قالاسىندا بوي كوتەرەتىن العاشقى نىسان كاسىپكەرلىكتى قولداۋعا ارنالادى. بيزنەس- ورتالىق الداعى 4-5 جىلدا جۇزەگە اسىرىلادى. بۇل تۋرالى بىلتىر سەۋلدە ينۆەستيتسيالىق جوبانىڭ تۇساۋكەسەرىندە ايتىلعان ەدى. وڭتۇستىك كورەيا ۇلتتىق اسسامبلەياسىنىڭ عيماراتىندا وتكەن ءىس-شاراعا پارلامەنت دەپۋتاتتارى مەن ءىرى كومپانيالاردىڭ وكىلدەرى قاتىسقان.

 ايتا كەتەيىك، قازاقستان ۇكىمەتى بىلتىر مامىر ايىندا الاتاۋ شاھارىن دامىتۋ جوسپارىن بەكىتكەن بولاتىن.

داۋلەت ساقتاعانوۆ، «Kazakh Invest» ۇ ك» ا ق شەتەلدىك وكىلى:

 - «الاتاۋ سيتي» دەگەن جوبا بار. وتە ۇلكەن جوبا. قازىرگى تاڭدا ءبىز وڭتۇستىك كورەيادان، سينگاپۋر ەلىنەن، تاعى دا باسقا جوعارى تەحنولوگيالىق ەلدەردەن ينۆەستيتسيالاردى تارتىپ جاتىرمىز وسى الاتاۋ قالاسىنا.

 24.kz