ا ق ش- تىڭ ساۋدا وكىلى قازاقستانعا كەلەدى
استانا. قازاقپارات- ا ق ش- تىڭ ساۋدا وكىلى كەترين تاي 11-12-ماۋسىم كۇندەرى تاشكەنت پەن سامارقاندقا بارادى. ول وزبەكستان پرەزيدەنتىمەن جانە باسقا دا رەسمي تۇلعالارمەن كەزدەسەدى.

وسىدان كەيىن ول استانادا وتەتىن ا ق ش پەن ايماق ەلدەرى اراسىنداعى ساۋدا جانە ينۆەستيتسيالىق كەلىسىمنىڭ وتىرىسىنا قاتىسادى.
ا ق ش- تىڭ ساۋدا وكىلى كەترين تاي ورتا ازياعا ساپارىن اۋەلى وزبەكستاننان باستايدى. بۇل تۋرالى ا ق ش ساۋدا وكىلىنىڭ كەڭسەسى (USTR) حابارلادى.
ساپاردىڭ ءبىرىنشى كۇنى كەترين تاي پرەزيدەنت شاۆكات ميرزيەيەۆپەن كەزدەسەدى دەپ جوسپارلانعان. ول، سونداي-اق، پرەزيدەنتتىڭ كومەكشىسى سايدا ميرزيەۆامەن جانە ءبىرقاتار ۇكىمەت وكىلدەرىمەن كەزدەسەدى.
ا ق ش ساۋدا وكىلى 12-ماۋسىمدا سامارقاندقا بارادى. وندا ول وبلىس اكىمىمەن كەزدەسىپ، قالانىڭ كورىكتى جەرلەرىن ارالايدى.
كەترين تاي 12-13-ماۋسىم كۇندەرى استاناعا كەلەدى جانە ا ق ش پەن ورتالىق ازيا ەلدەرى اراسىنداعى ساۋدا جانە ينۆەستيتسيالىق نەگىزدەمەلىك كەلىسىمنىڭ (TIFA) وتىرىسىنا قاتىسادى دەپ جوسپارلانۋدا.
كەترين تاي-ساۋدا جونىندەگى پالاتا كوميتەتىنىڭ ادۆوكاتى جانە باس ساۋدا كەڭەسشىسى. ونى ا ق ش-تىڭ ساۋدا وكىلى قىزمەتىنە پرەزيدەنت دجو بايدەن ۇسىنعان.
ا ق ش ساۋدا وكىلى سىرتقى ساۋدا ساياساتىن ۇيلەستىرۋگە، ساۋدا زاڭدارىن ازىرلەۋگە، ەكىجاقتى جانە كوپجاقتى ساۋدا كەلىسىمدەرىن ازىرلەۋگە جاۋاپتى مەملەكەتتىك قىزمەتكەر. ول ا ق ش پرەزيدەنتىنىڭ اتقارۋشى كەڭسەسىنىڭ بولىگى بولىپ تابىلادى.
اۆتور
جاراسقان نۇرىبايەۆ