زەينەتكەرلەر سپورت جانە مۋزىكا ۇيىرمەلەرىنە قاتىسىپ ءجۇر

استانا. قازاقپارات – شىعىس قازاقستان وبلىسىندا 3 مىڭنان اسا زەينەتكەر سپورت جانە مۋزىكا ۇيىرمەلەرىنە قاتىسادى. وڭىردە بەلسەندى ۇزاق ءومىر ءسۇرۋ ورتالىقتارىنىڭ جۇمىسى جولعا قويىلعان.

جاسى 70 كە كەلگەن قاريالار تەننيس پەن توعىزقۇمالاق، ءتىپتى ۆولەيبول وينايدى. وسكەمەندىك زەينەتكەرلەر تاڭ اتىسىمەن بي بيلەپ بوي سەرگىتەدى. جاڭادان اشىلعان بەلسەندى ۇزاق ءومىر ءسۇرۋ ورتالىعىنا كۇنىنە 100-دەن اسا قاريا كەلەدى. بي مەن سپورت الاڭى، ونەر شەبەرحانالارى تولىق جابدىقتالعان.

«زەينەتكەرلەر جاستارعا قاشاندا ۇلگى. ورتالىقتا شىعارماشىلىق انسامبل قۇرىپ، اۋەلەتىپ ءان شىرقايدى. قالا شەتىنەن قاتىنايتىن مايرا ءمۇرسالىموۆا بي دەسە ايانىپ قالعان ەمەس. بۋىننىڭ سىرقىراعانىن دا ۇمىتىپ كەتەمىن»، - دەيدى زەينەتكەر.

مايرا ءمۇرسالىموۆا، زەينەتكەر:

- مۇندا ءبىز سياقتى اجەلەر ءۇشىن بارلىق جاعداي قاراستىرىلعان. وسىندا كەلسەك، ءبىر دەمالىپ قالامىز. بيلەگىمىز كەلسە، بي دە بار. ۋاقىت وتە كوڭىلدى وتەدى.

«ال 78 جاستاعى گۇلسايرا وتەۋلينا ۇستەل تەننيسى ويىنىندا ۇزدىكتەر قاتارىندا. ادامدارمەن ارالاسىپ، سپورت پەن مۋزىكاعا جاقىن بولۋ - ءومىردى ۇزارتادى»، - دەيدى ول.

زەينەتكەردىڭ جوسپارى دا كوپ. شەت تىلدەردى مەڭگەرىپ، ساياحاتتاۋدى ارمانداپ ءجۇر.

گۇلسايرا وتەۋلينا، زەينەتكەر:

- سپورتتىڭ بارلىق تۇرىمەن زانيماتسيا ەتۋگە بولادى. قازىرگى كەزدە، ءبىزدىڭ كارىلىك شاعىمىزدا قوزعالىس پەن سويلەسۋ، ارالاسۋ وتە جاقسى. ماعان وسى ۇنايدى. وسى كوللەكتيۆتەن مەنى ايىرماسىن. ءجيى كەلەمىز. جۇماسىنا 3 رەت كەلەمىز. اراسىندا ءانسامبلىمىز بار.

وسكەمەندىك زەينەتكەرلەر زامان اعىمىنان قالعان ەمەس. كومپيۋتەر ءتىلىن جەتىك مەڭگەرىپ العان. «سپورت ارداگەرلەرى» بىرلەستىگىنىڭ ءتوراعاسى مۇحامەدوللا ماعزوموۆ مۇنداي ورتالىقتىڭ ماڭىزى زور ەكەنىن ايتادى.

قازىر وبلىستىڭ ءار تۇكپىرىنەن بەلسەندى ۇزاق ءومىر ءسۇرۋ ورتالىقتارى اشىلىپ جاتىر. وندا ءتۇرلى ۇيىرمەگە 3 مىڭنان اسا زەينەتكەر بارادى.

ءالميرا ءمۇسىنوۆا، جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى:

- اۋىلدىق مەكەندەردە 234 وسىنداي سەكسيالار ءبىز اشتىق ءار سالادا. مادەنيەت، سپورت سالاسىندا. بۇل ەندى وتە بەلسەندى اتقارىلىپ جاتقان جۇمىس بولعاندىقتان ارينە توقتامايمىز. بۇل جۇمىستى ءارى دە قاراي دامىتىپ، اسىرەسە اۋدان مەن اۋىلدىق ەلدىمەكەندەردە تۇراتىن زەينەتكەرلەرگە وتە كوپ كوڭىل ءبولۋ كەرەك دەپ جوسپارلاپ وتىرمىز.

ورتالىقتاعى قاريالار ەرىك- جىگەر مەن قايسارلىقتىڭ ۇلگىسى. قازىر وبلىستاعى ەكى جۇزدەن استام زەينەتكەر كاسىبي سپورتشىلاردان دا كەم تۇسپەيدى. ولاردىڭ اراسىندا ۆولەيبولدان رەسپۋبليكالىق تۋرنيرلەر مەن ازيا چەمپيوناتىنىڭ جەڭىمپازدارى دا بار.

24.kz