يزرايلدىڭ اسكەري اۆياتسياسى گازا سەكتورىنداعى ەڭ ۇلكەن مەشىتتى قيراتتى
پالەستينا قاۋىپسىزدىك ورگاندارىنداعى دەرەككوزدەرىنىڭ حابارلاۋىنشا، جۇما كۇنى يزرايل اسكەري ۇشاقتارى گازا قالاسىنداعى ەڭ كونە ءارى ەڭ ۇلكەن مەشىتتى قيراتتى. Kazinform بۇل تۋرالى سينحۋا اقپارات اگەنتتىگىنە سىلتەمە جاساپ حابارلايدى.
«گازا سەكتورىنداعى ەڭ ۇلكەن، ەڭ كونە مەشىت سانالاتىن وماردىڭ ۇلكەن مەشىتى يزرايل اسكەرىنىڭ شابۋىلىنان كەيىن قيراپ قالدى»، - دەپ حابارلادى سينحۋا اقپارات كوزدەرى.
اۋماعى شامامەن 4100 شارشى مەتردى قۇرايتىن ومار مەشىتى 1400 جىلدان استام ۋاقىت بۇرىن سالىنعان.
حاماس يزرايلدىڭ «گازا قالاسىنداعى ماڭىزدى تاريحي ەسكەرتكىشتەر مەن ءدىني ورىندارعا» جاساعان شابۋىلدارىن ايىپتاپ، يزرايل ارمياسىنىڭ وسى ۋاقىتقا دەيىن گازا سەكتورىنداعى 104 مەشىت پەن 3 شىركەۋدى قيراتقانىن اتاپ ءوتتى.
پالەستينانىڭ مادەنيەت ءمينيسترى اتەف ءابۋ سەيفتىڭ ايتۋىنشا، يزرايل شابۋىلدارى گازا قالاسىنىڭ ەسكى كۆارتالىنىڭ كوپ بولىگىن، سونىڭ ىشىندە تاريحي عيماراتتار، مەشىتتەر، مۇراجايلار جانە ارحەولوگيالىق ورىنداردىڭ كۇل- تالقانىن شىعاردى.
اۆتور
زارينا تۋعانبايەۆا
