يزرايلدە زارداپ شەككەن قازاقستاندىقتار تۋرالى اقپارات تۇسپەگەن

قازاقستان يزرايلگە رەپاترياتسيالىق رەيس ۇيىمداستىرۋ ماسەلەسىن پىسىقتاپ جاتىر. بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ ءمالىم ەتتى، دەپ حابارلايدى Kazinform اگەنتتىگى.

Айбек Смадияров
Фото: Фото: МИД РК

«يزرايلدەگى بارلىق ازاماتتارىمىز سابىر ساقتاپ، ديپلوماتتارعا قاجەتتى اقپاراتتى ۇسىنۋعا بارىنشا جاردەمدەسىپ جاتىر جانە جەرگىلىكتى بيلىك ورگاندارىنىڭ بۇكىل تالاپتارى مەن قاۋىپسىزدىك شارالارىن قاتاڭ ساقتاپ كەلەدى. بۇگىنگى تاڭدا بىزگە يزرايلدە قازا بولعان، زارداپ شەككەن جانە كەپىلگە الىنعان قازاقستاندىقتار تۋرالى اقپارات كەلىپ تۇسكەن جوق. كەيبىر اۆيارەيستەردىڭ توقتاتىلۋىنا جانە ءبىرقاتار اۆياتاسىمالداۋشىلاردىڭ يزرايلگە رەيس ورىنداۋدان باس تارتۋىنا بايلانىستى قازاقستان ەلشىلىگى «ەير استانا» اۋەكومپانياسىمەن بىرلەسىپ، قازاقستانعا ورالۋعا نيەت بىلدىرگەن ازاماتتاردىڭ ءتىزىمىن جاساۋ، سونداي-اق ولاردى ودان ءارى قاۋىپسىز جەرگە شىعارۋدى ۇيىمداستىرۋ بويىنشا پىسىقتاۋ جۇمىسىن جۇرگىزىپ جاتىر»، - دەدى ايبەك سمادياروۆ مينيسترلىكتە وتكەن بريفينگتە.

ونىڭ دەرەگىنشە، وسى ۋاقىتقا دەيىن قازاقستانعا ورالۋعا 118 ازاماتىمىز نيەت ءبىلدىردى.

«تەل-اۆيۆتەگى بەن-گۋريون اتىنداعى حالىقارالىق اۋەجاي ءوز جۇمىسىن شتاتتىق رەجيمدە جالعاستىرىپ جاتقانىن حابارلايمىز. بۇل رەتتە، وسى ءبىر-ەكى كۇن ىشىندە ۇكىمەت دەڭگەيىندە تەل-اۆيۆكە جىبەرىلەتىن ارنايى رەپاترياتسيالىق رەيستى ۇيىمداستىرۋ ماسەلەسى پىسىقتالىپ جاتىر»، - دەدى رەسمي وكىل.

سوڭعى جاڭالىقتار