يزرايل يران قاۋپىنە بايلانىستى نەتانياحۋگە بۋنكەر دايىنداپ جاتىر

استانا. KAZINFORM - يزرايلدىڭ ءۇش ءىرى ۇيىمىنىڭ ءبىرى «شين بەت» يراننىڭ شابۋىل قاۋپىنە بايلانىستى ەل باسشىلىعىنا بۋنكەر دايىنداپ جاتىر. بۇل تۋرالى The Times of Israel حابارلادى.

جەرگىلىكتى «Walla» پورتالىنىڭ حابارلاۋىنشا، بىرنەشە ءجۇز ادامعا ارنالعان بۇل بۋنكەر يەرۋساليم قالاسىنىڭ اۋماعىندا ورنالاسقان. ونىڭ قۇرامىنا تۇرعىن ۇيلەرى بار كەڭسەلەر، قورعانىس مينيسترلىگىمەن بايلانىس ورتالىعى كىرەدى جانە زىمىران سوققىلارىنان قورعالعان. سوعىس كەزىندە جوعارى شەندى باسشىلار ۇزاق ۋاقىت قالا الاتىن جەراستى بۋنكەرى تولىعىمەن قايتا وڭدەلۋدە.

شامامەن 20 جىل بۇرىن سالىنعان بۋنكەر قولدانىستاعى قارۋ-جاراقتاردىڭ ءبىرقاتارىنا توتەپ بەرە الادى. قورعانىس مينيسترلىگىنىڭ تەل-اۆيۆتەگى شتاب-پاتەرىمەن بايلانىس ورناتىلعان.

«ۇلتتىق قولباسشىلىق ورتالىعى» دەپ تە اتالاتىن بۋنكەر يزرايلدىڭ گازاداعى سوڭعى 10 ايلىق سوعىسى كەزىندە پايدالانىلماعان. دەگەنمەن، ونى پرەمەر-مينيستر بەنيامين نەتانياحۋ مەن باسقا دا جوعارى لاۋازىمدى تۇلعالار تاياۋ شىعىستاعى شيەلەنىستىڭ كۇشەيۋى كەزىندە يزرايل يران مەن حيزبوللانىڭ ىقتيمال شابۋىلدارىنا قارسى دايىنداپ جاتىر.

ايتا كەتەيىك، يران 48 ساعات ىشىندە يزرايلگە سوققى بەرۋى مۇمكىن.

اۆتور

جاراسقان نۇرىبايەۆ