يزرايل گازا سەكتورىنىڭ وڭتۇستىگىنەن ءبىر بريگادادان باسقا قۇرلىق كۇشتەرىن شىعاردى
يەرۋساليم. KAZINFORM - يزرايل جەكسەنبى كۇنى وڭتۇستىك گازادان ءبىر بريگادادان باسقا بارلىق قۇرلىق اسكەرلەرىن شىعاردى، دەپ حابارلادى شينحۋا.
ناحال بريگاداسى گازانىڭ ورتالىعىندا قالدى، سەكتوردى ەكىگە ءبولىپ، بەيبىت تۇرعىنداردىڭ گازانىڭ وڭتۇستىگىنەن سولتۇستىگىنە ورالۋىنا جول بەرمەي وتىر.
بۇعان قوسا، يزرايلدىڭ قورعانىس كۇشتەرى (س ا ح ا ل) گازا سەكتورىنىڭ اينالاسىندا جاڭا «قاۋىپسىزدىك ايماقتارى» قۇرىلعاننان كەيىن قايتا قۇرىلدى، دەپ حابارلايدى يزرايل مەملەكەتتىك تەلەارناسى Kan TV news.
يزرايل اسكەرلەرى ەندى بارلاۋ رەيدتەرىنە نازار اۋدارادى جانە قاجەت بولعان جاعدايدا گازاعا قايتۋ ءۇشىن كۇشتەردى جاڭارتۋعا دايىندالادى، دەپ حابارلادى تەلەارنا س ا ح ا ل كوزدەرىنە سىلتەمە جاساپ.
«اسكەردى شىعارۋ «ساياسي قىسىممەن بايلانىستى ەمەس»، - دەلىنگەن مالىمدەمەدە.
اۆتور
جاراسقان نۇرىبايەۆ
