ىسكە قاتىسى بار باسقا دا تۇلعالاردى ۇستاۋ ماقساتىندا تەرگەۋ جالعاسىپ جاتىر

ءى ءى م ىسكە قاتىسى بار باسقا دا تۇلعالاردىڭ شەڭبەرىن انىقتاپ، ولاردى ۇستاۋ ماقساتىندا تەرگەۋ جالعاسىپ جاتقانىن حابارلادى.

ال ۇستالعانداردىڭ قاتارىندا – ق ر ق ك اسكەري-تەڭىز كۇشتەرى باس قولباسشىسىنىڭ ءبىرىنشى ورىنباسارى - شتاب باستىعى، ەكى اسكەري ءبولىمنىڭ كومانديرى، سونداي-اق تەڭىز جاياۋ اسكەرلەرى روتاسىنىڭ جانە «قايسار» كاتەرىنىڭ كومانديرلەرى بار ەكەنى حابارلانعان بولاتىن.

ەسكە سالايىق، 2026-جىلعى 24-قىركۇيەكتە كاسپيدەگى اسكەري وقۋ-جاتتىعۋ كەزىندە 9 اسكەري قىزمەتشى قازا تاپقانىن حابارلاعانبىز. ءۇش اسكەري قىزمەتشى قۇتقارىلدى. ولاردىڭ بىرەۋى اۋرۋحاناعا جاتقىزىلدى.

كەيىننەن كاسپيدە قازا بولعان اسكەري قىزمەتشىلەردىڭ سانى 12 گە جەتىپ، ەكەۋى ىزدەستىرىلىپ جاتقانى حابارلاندى.

قورعانىس مينيسترلىگى وقۋ-جاتتىعۋ كەزىندە قازا تاپقان اسكەري قىزمەتشىلەردىڭ ءتىزىمىن جاريالادى.

اسكەري قىزمەتشىلەردىڭ قازا بولۋ فاكتىسى بويىنشا قىلمىستىق ءىس قوزعالىپ، تەرگەلىپ جاتقانىن جازدىق.

سونىمەن قاتار، پرەزيدەنت قاسىم-جومارت توقايەۆ ماڭعىستاۋ وبلىسىندا اسكەري وقۋ-جاتتىعۋ كەزىندەگى قايعىلى وقيعا سالدارىنان قازا تاپقان اسكەري قىزمەتشىلەردىڭ تۋعان-تۋىستارىنا كوڭىل ايتتى.

اسكەريلەردىڭ قازاسىنان كەيىن اقتاۋدا ءۇش كۇنگە جوسپارلانعان مەرەكەلىك شارالار وتپەيتىنى ايتىلدى.

بۇگىن كاسپيدە ەكى اسكەري قىزمەتشىنى ىزدەۋ وپەراتسياسىنا جۇزدەگەن ادام جۇمىلدىرىلعانى حابارلاندى.

سونىمەن قاتار اسكەري قىزمەتشىلەردىڭ قاۋىپسىزدىگىنە جاۋاپتى تۇلعالار كۇدىككە ىلىنگەنى تۋرالى جازعان ەدىك.

ايتا كەتەلىك كاسپيدەگى توتەنشە جاعدايدان كەيىن قۇتقارىلعان اسكەري قىزمەتشى ەسىن جيعان ەدى.

بۇگىن كاسپي تەڭىزىندە جوعالعان ەكى اسكەري قىزمەتشىنىڭ دەنەسى تابىلىپ، ىزدەستىرۋ وپەراتسياسى اياقتالعان ەدى.

سونىمەن قاتىر كاسپيدەگى اسكەري قىزمەتشىلەردىڭ قازاسىنا بايلانىستى قىلمىستىق ءىس ەكى باپ بويىنشا تەرگەلىپ جاتىر.