يسپانيادا جەرلەۋگە اپارا جاتقان ايەل اياق استىنان «ءتىرىلىپ» كەتتى
استانا. KAZINFORM - قايتىس بولعانى راستالعان ايەل جەرلەۋگە اپارا جاتقاندا قيمىلداعان، دەپ حابارلايدى Mirror.
ايەلدى جەرلەۋگە دايىنداۋ ءۇشىن ءمايىتحانادان جەرلەۋ ۇيىنە اكەلگەن. الايدا بيۋرو قىزمەتكەرلەرى ەگدە ايەلدىڭ تامىر سوعىسىن بايقاعان. ول ءتىپتى ساۋساقتارىن سىلكىگەن. پالما قالاسىنداعى جەرلەۋ ءۇيىنىڭ فەلدشەرلەرى ونىڭ ءتىرى ەكەنىن راستاپ، قالالىق اۋرۋحاناعا جىبەرگەن. ونىڭ قازىرگى جاعدايى بەلگىسىز.
قازىرگى ۋاقىتتا قايتىس بولدى دەگەن اقپاراتتىڭ قالاي قاتە بەرىلگەنىن انىقتاۋ ءۇشىن ىشكى تەرگەۋ جۇرگىزىلىپ جاتىر.
وسىعان ۇقساس جاعداي 2015 -جىلى رەسەيدە بولعان. وندا قايتىس بولعان ادام ءمايىتحانادا ءتىرىلىپ كەتكەن بولاتىن.
سونداي-اق 2010 -جىلى اۋستراليالىق پەرزەنتحانالاردىڭ بىرىندە تاڭعاجايىپ وقيعا بولدى. ءولى ءارى شالا تۋعان نارەستە اناسى قولىنا العان سوڭ ءومىر بەلگىلەرىن كورسەتە باستادى.
اۆتور
ەركەجان سماعۇلوۆا
