يران وڭتۇستىك كورەيانىڭ مۇناي تانكەرىنە جاسالعان شابۋىلعا قاتىسى جوق ەكەنىن مالىمدەدى
استانا. KAZINFORM - يران ورمۋز بۇعازىندا وڭتۇستىك كورەيانىڭ مۇناي تانكەرىنە شابۋىل جاسادى دەگەن اقپاراتتى رەسمي تۇردە جوققا شىعاردى، دەپ حابارلايدى Anadolu.
- ءبىز يران قارۋلى كۇشتەرىنىڭ ورمۋز بۇعازىنداعى وڭتۇستىك كورەيا تۋى بار كەمەگە زاقىم كەلتىرۋ وقيعاسىنا قاتىسى بار دەگەن كەز كەلگەن ايىپتاۋلاردى قاتاڭ تۇردە جوققا شىعارامىز، - دەپ مالىمدەدى سەۋلدەگى يران ەلشىلىگى.
ديپلوماتيالىق ميسسيا ا ق ش- تىڭ ارەكەتتەرىنە بايلانىستى ورمۋز بۇعازىنداعى تەڭىز قاۋىپسىزدىگىن قامتاماسىز ەتۋ شارتتارى وزگەرگەنىن اتاپ ءوتتى.
وسىعان بايلانىستى ايماق ارقىلى وتەتىن بارلىق كەمەنىڭ بەلگىلەنگەن ەرەجەلەردى ساقتاۋى جانە يران بيلىگىمەن ۇيلەستىرە ارەكەت ەتۋى قاجەت ەكەنى اتالدى.
ەلشىلىك بۇل تالاپتاردى ورىنداماۋ جاۋاپكەرشىلىككە اكەپ سوعاتىنىن اتاپ ءوتتى.
4- مامىردا وڭتۇستىك كورەيانىڭ «HMM Namu» جۇك كەمەسىنە ورمۋز بۇعازىندا بەلگىسىز زات ارقىلى سوققى جاسالدى. كەيىننەن شابۋىلدى وسى ستراتەگيالىق ماڭىزدى سۋ جولىن باسقاراتىن يران جاسادى دەگەن ايىپتاۋلار پايدا بولدى.
ايتا كەتەيىك، يران ا ق ش- قا جاڭا كەلىسىم جوباسىن پاكىستان ارقىلى جولدادى.
