يران سىرتقى ىستەر ءمينيسترى قىتايعا باردى
استانا. قازاقپارات- بۇگىن يران سىرتقى ىستەر ءمينيسترى قىتايعا باردى. ال، كەلەسى اپتادا بەيجىڭگە امەريكا باسشىسى ات باسىن تىرەيدى. ابباس اراكچي قىتايلىق ارىپتەسى ۋاڭ يمەن بۇل ساپارعا ءبىر اپتا قالعاندا كەزدەستى.
دونالد ترامپ پەن شي جينپيڭنىڭ باسقوسۋى 14 جانە 15 -مامىر ارالىعىنا جوسپارلانىپ وتىر. ەكى جاق تاياۋ شىعىستاعى شيەلەنىس پەن ورمۋز بۇعازى جايىن تالقىلايدى. قۇراما شتاتتاردىڭ قارجى ءمينيسترىنىڭ ايتۋىنا قاراعاندا، اق ءۇي باسشىسى يران ماسەلەسىنە بەيجىڭنىڭ ارالاسۋىن سۇراۋى مۇمكىن. ويتكەنى قىتايدىڭ يسلام رەسپۋبليكاسىمەن قارىم-قاتىناسى جاقسى. سونداي-اق بۇعان بەيجىڭنىڭ ءوزى دە مۇددەلى، دەيدى سكوتت بەسسەنت. سەبەبى قىتاي مۇناي مەن گازدىڭ كوپ بولىگىن ورمۋز بۇعازى ارقىلى تاسىمالدايدى.
24.kz
