يەنس ستولتەنبەرگ ناتو باس حاتشىسىنىڭ وكىلەتتىگىن مارك ريۋتتەگە رەسمي تۇردە تاپسىردى

استانا. KAZINFORM - بۇگىن ناتو- نىڭ بەلگياداعى شتاب-پاتەرىندە بۇرىنعى باس حاتشى يەنس ستولتەنبەرگتەن مارك ريۋتتەگە وكىلەتتىكتەردى تاپسىرۋدىڭ رەسمي ءراسىمى ءوتتى.

دۇيسەنبىدە ناتو-نىڭ اسكەري كوميتەتى باس حاتشى قىزمەتىندەگى وكىلەتتىلىگى اياقتالىپ قالعان ي. ستولتەنبەرگپەن رەسمي تۇردە قوشتاستى. ونىڭ ورنىنا قىزمەتكە نيدەرلاندتىڭ بۇرىنعى پرەمەر-ءمينيسترى مارك ريۋتتە كەلەدى.

ۇيىمنىڭ مالىمدەمەسىندە اتاپ وتىلگەندەي، ناتو تاريحىنداعى ەڭ ۇزاق قىزمەت ەتكەن ەكىنشى باس حاتشى يەنس ستولتەنبەرگ اليانس تاريحىنداعى ەڭ الاساپىران جىلدارعا كۋا بولدى.

«ناتو قازىر بۇرىنعىدان دا ۇلكەن، كۇشتى جانە كەز كەلگەن سىناققا توتەپ بەرۋگە دايىن. مەن ءۇشىن باس حاتشى قىزمەتىن اتقارۋ جانە اسكەري كوميتەتپەن، ناتو- نىڭ شتاب باستىقتارىمەن جانە اسكەري وكىلدەرمەن تىعىز جۇمىس ىستەۋ ناعىز مارتەبە بولدى. وتستاۆكاعا شىعۋ قانشالىقتى مۇڭدى بولسا دا، ناتو-نىڭ تۇراقتىلىعى مەن كۇشى جەكە ادامدارعا ەمەس، ۇجىمعا بايلانىستى»، - دەدى يەنس ستولتەنبەرگ.

ستولتەنبەرگ ناتو باس حاتشىسى قىزمەتىنەن كەتكەننەن كەيىن نە بولاتىنى بۇعان دەيىن حابارلانعان بولاتىن.

اۆتور

زارينا تۋعانبايەۆا