يلون ماسك ا ق ش-تىڭ بانكروت بولۋى مۇمكىن ەكەنىن ەسكەرتتى

استانا. KAZINFORM - الەمدىك ميللياردەر يلون ماسك ەگەر ا ق ش مەملەكەتتىك شىعىنىن ازايتپاسا بانكروتقا ۇشىرايتىنى تۋرالى ايتتى. بۇل تۋرالى ول X الەۋمەتتىك جەلىسىندە جازدى.

كاسىپكەر بارلىق سالىق تۇسىمدەرىن مەملەكەت قارىزى ءۇشىن تولەۋگە بولاتىنىن، ايتپەسە قازىنانىڭ بوس قالاتىنىن باسا ايتتى.

بۇعان دەيىن ا ق ش قارىزى 2024 -جىلدىڭ 3-قازانىنداعى جاعداي بويىنشا 35677760608035 دوللارعا دەيىن وسكەنى تۋرالى جازعان بولاتىنبىز.

كونگرەستىڭ بيۋدجەتتىك كەڭسەسىنىڭ سوڭعى دەرەكتەرى الداعى ونجىلدىقتا ۇلتتىق قارىز 54 تريلليون دوللارعا دەيىن وسەتىنىن كورسەتىپ وتىر، بۇل حالىقتىڭ قارتايۋى مەن فەدەرالدى دەنساۋلىق ساقتاۋ شىعىندارىنىڭ قىسقارۋىنا اكەلەدى.

ساراپشىلاردىڭ پىكىرىنشە، ەگەر بۇل بولجام ورىندالسا، امەريكانىڭ ەكونوميكالىق جاعدايىنا قاۋىپ تونەدى.

بۇعان دەيىن ماسك قاراشا ايىندا وتەتىن ا ق ش پرەزيدەنتتىك سايلاۋىندا رەسپۋبليكاشىل كانديدات دونالد ترامپ جەڭىلىپ قالسا، بۇل ا ق ش ءۇشىن سوڭعى سايلاۋ بولۋى مۇمكىن دەگەن پىكىرىن بىلدىرگەن.

سونداي-اق ول X الەۋمەتتىك جەلىسىنىڭ يەسى سايلاۋ الدى جيىنعا جينالعانداردى 5 -قاراشادا وتەتىن سايلاۋدا ترامپتى قولداۋعا شاقىردى.

اۆتور

زارينا تۋعانبايەۆا