وزبەكستاندا روبوت-جۋرناليست توعىز تىلدە حابار تاراتادى

استانا. KAZINFORM - وزبەكستان ۇلتتىق اقپارات اگەنتتىگى جاساندى ينتەللەكت نەگىزىندە سوبير حولداروۆ ەسىمدى ارنايى روبوت- ءتىلشىنى جاساپ شىعاردى، دەپ حابارلايدى ءو ز ا.

روبوت- ءتىلشى رەسمي اقپارات پەن سوڭعى جاڭالىقتاردى توعىز تىلدە (وزبەك، قازاق، اعىلشىن، ورىس، فرانسۋز، اراب، قىتاي، نەمىس، يسپان) تاراتادى.

تىلشىگە سوبيرا حولداروۆا ەسىمىنىڭ بەرىلۋى كەزدەيسوق ەمەس. ول ورتالىق ازيا مەن وزبەكستانداعى العاشقى كاسىبي جۋرناليست ايەل بولدى.

ج ي نەگىزىندە روبوت-كوررەسپوندەنت جاساۋ ءۇشىن جۋرناليست ديلدورا ابدۋحاليلوۆانىڭ پروتوتيپى پايدالانىلدى.

تەستتىك رەجيمدە ىسكە قوسىلعان ج ي بەينەرەپورتاج اۋقىمىن بىرتىندەپ كەڭەيتەدى. اقپاراتتىق قاۋىپسىزدىك شارالارىنا ەرەكشە نازار اۋدارىلدى.

ج ي ارقىلى بەينەرەپورتاجدار جاساۋ، ارينە، ۇلكەن مۇمكىندىك. دەگەنمەن ونىڭ وزىندىك تاۋەكەلدەرى دە بار. ويتكەنى، قاسكۇنەمدەر وتىرىك پەن جالعان جاڭالىقتارعا نەگىزدەلگەن بەينەروليكتەر جاساپ، اگەنتتىك اتىنان ينتەرنەتتە تاراتا الادى. سوندىقتان وزبەكستان ۇلتتىق اقپارات اگەنتتىگىنىڭ اتىنان جالعان بەينەلەر تارالسا، ولاردىڭ شىنايىلىعىن تەكسەرۋگە بولادى.

ول ءۇشىن سىلتەمەنى بەلسەندىرۋ ارقىلى ءاربىر بەينەگە ارنايى QR كودى ورنالاستىرىلعان، ونىڭ سىلتەمەسى ارقىلى ءوتىپ بەينەنىڭ ءماتىنىن ءو ز ا- نىڭ رەسمي سايتىنان وقۋعا بولادى. ەگەر ج ي ارقىلى دايىندالعان ۆيدەودا QR كودى بولماسا نەمەسە سىلتەمەسى ءو ز ا سايتىنا اپارماسا، بۇل جالعان بەينە.

اۆتور

زارينا تۋعانبايەۆا