وزبەكستان مەن رەسەي ا ە س قۇرىلىسىن باستاۋ حاتتاماسىنا قول قويدى

تاشكەنت. KAZINFORM - «ءوزاتوم» اگەنتتىگى جانىنداعى اتوم ستانسياسىن سالۋ ديرەكسياسى مەن «روساتومعا» باعىنىستى «اتوم ستروي ەكسپورت» ا ق وزبەكستاندا سالىناتىن از قۋاتتى ا ە س- ءتىڭ قۇرىلىس الاڭىنداعى جۇمىستاردى باستاۋ جونىندەگى حاتتاماعا قول قويدى،

دەپ حابارلايدى Kazinform اگەنتتىگىنىڭ تاشكەنتتەگى مەنشىكتى ءتىلشىسى ءاليحان اسقار.

از قۋاتتى ا ە س- ءتىڭ جوباسىن الدىن الا پىسىقتاۋ جۇمىسى ماۋسىم ايىندا باستالىپ، ول جولى نەگىزگى مىندەتتەر ايقىندالعان بولاتىن. ال تامىزدىڭ سوڭىندا ا ە س قۇرىلىسشىلارى تۇراتىن قالاشىق سالىنا باستادى.

«حاتتاماعا قول قويۋ وزبەكستانداعى العاشقى از قۋاتتى ا ە س جوباسىن ىسكە اسىرۋدىڭ بەلسەندى كەزەڭى باستالعانىن بىلدىرەدى. سونىمەن قاتار، ول جاقىن ارادا قۇرىلىس الاڭىنداعى جۇمىستارعا كىرىسۋگە مۇمكىندىك بەرەدى»، - دەدى «ءوزاتوم» اگەنتتىگى جانىنداعى اتوم ستانسياسىن سالۋ ديرەكسياسىنىڭ ديرەكتورى وتابەك امانوۆ.

قوسا كەتسەك، بۇعان دەيىن وزبەكستاندا سالىناتىن ا ە س-ءتىڭ قانداي بولاتىنىن جازعان بولاتىنبىز.

اۆتور

ءاليحان اسقار