وزبەكستان ارالدىڭ كەۋىپ قالعان تابانىنا سەكسەۋىل ەگۋدى جالعاستىرىپ جاتىر
وزبەكستاننىڭ توتەنشە جاعدايلار مينيسترلىگى ارال تەڭىزىنىڭ ءتۇبىن كوگالداندىرۋدىڭ كەزەكتى ماۋسىمىنا دايىندالىپ جاتىر، دەپ حابارلايدى Kazinform ۆەدومستۆوعا سىلتەمە جاساپ.
ايتا كەتەيىك، 2018 -جىلى وزبەكستان پرەزيدەنتى شاۆكات ميرزيەيەۆتىڭ تاپسىرماسى بويىنشا ارال تەڭىزىنىڭ ءتۇبىن كوگالداندىرۋ بويىنشا اۋقىمدى مەملەكەتتىك باعدارلاما باستالعان.
بۇل باستامانىڭ ماقساتى - سۋ قويماسىنىڭ كەبۋىنەن تۋىنداعان ەكولوگيالىق اپاتتىڭ سالدارىن ازايتۋ.
سوڭعى جىلدارى ت ج م جانە ورمان شارۋاشىلىعى اگەنتتىگىنىڭ كۇشىمەن تەڭىزدىڭ قۇرعاپ قالعان تۇبىندە ءشول وسىمدىكتەرىنەن وراسان زور جاسىل القاپتار پايدا بولدى.
جاقىندا كوشەت ەگۋ ماۋسىمى قايتا باستالادى.
بىرنەشە اپتا بويى ت ج م قىزمەتكەرلەرى سەكسەۋىل تۇقىمىن دايىنداۋمەن اينالىستى، ەندى ول اۆياتسيانىڭ كومەگىمەن تەڭىز تۇبىنە سەبىلەدى.
ەسكە سالا كەتەيىك، بۇل جۇمىستى قازاقستان تاراپى دا جۇرگىزىپ جاتىر.
پرەزيدەنت قاسىم- جومارت توقايەۆ 2021-2025 -جىلدار ارالىعىندا ارالدىڭ تابانىندا 1,1 ميلليون گ ا اۋماققا اعاش وتىرعىزۋدى مىندەتتەگەن.
تاپسىرماعا سايكەس، قىزىلوردا وبلىسىندا ورمان شارۋاشىلىعى جانە جانۋارلار دۇنيەسى كوميتەتى، سونىمەن قاتار ورمان مەكەمەلەرىنىڭ كۇشىمەن بىلتىر 100 مىڭ گ ا جەرگە سەكسەۋىل كوشەتى وتىرعىزىلدى.
ال، 2022-2025 -جىلدار ارالىعىندا جىل سايىن 250 مىڭ گ ا الاڭدا اعاش وتىرعىزىلادى.
اۆتور
جانات قاپالبايەۆا
