وڭتۇستىك كورەيالىق كومپانيا 16,5 ميلليارد دوللارلىق چيپتەردى جەتكىزۋ كەلىسىمشارتىنا قول قويدى

استانا. قازاقپارات  - Samsung Electronics كومپانياسى Tesla Inc-كە جارتىلاي وتكىزگىشتەردى جەتكىزۋ بويىنشا $16,5 ميلليارد دوللارلىق كەلىسىمشارتقا قول قويدى. بۇل تۋرالى Tesla باسشىسى يلون ماسك X- تە حابارلادى.

كەلىسىم 2033 -جىلعا دەيىن جارامدى. ميللياردەردىڭ ايتۋىنشا، Samsung كومپانياسىنىڭ تەحاستاعى جاڭا زاۋىتى AI6 چيپتەرىن شىعارۋعا ارنالعان. وڭتۇستىك كورەيالىق كومپانيا قازىر AI4 چيپتەرىپ شىعارىپ جاتىر.

- بۇل وتە ماڭىزدى ءسات، ويتكەنى مەن پروگرەسس قارقىنىن جەدەلدەتۋگە جەكە قاتىسامىن. ونىڭ ۇستىنە زاۋىت ءۇيىمنىڭ جانىندا ىڭعايلى ورنالاسقان، - دەپ جازدى ماسك.

Samsung الەمدە Taiwan Semiconductor Manufacturing كومپانياسىنان كەيىنگى ەكىنشى ءىرى چيپ جەتكىزۋشى. الايدا وڭتۇستىك كورەيالىق ەلەكترونيكا الپاۋىتىنىڭ وپەراتسيالىق كىرىسى 2025 -جىلدىڭ ەكىنشى توقسانىندا ءبىر جىلمەن سالىستىرعاندا %56- عا تومەندەدى. كومپانيا مۇنى ا ق ش پەن قىتاي اراسىنداعى ساۋدا سوعىسىنىڭ سالدارىمەن ءتۇسىندىرىپ وتىر.

دۇيسەنبىدە امەريكالىق كومپانيامەن كەلىسىم تۋرالى حاباردان كەيىن Samsung اكسيالارى %6,8- عا ءوستى. ساراپشىلاردىڭ باعالاۋىنشا، Tesla-مەن كەلىسىمشارت ءوندىرۋشىنىڭ جىلدىق كىرىسىن %10- عا ارتتىرۋى مۇمكىن.

بۇعان دەيىن وڭتۇستىك كورەيانىڭ جوعارعى سوتى Samsung باسشىسىن تولىق اقتاعانىن جازعان بولاتىنبىز.