وڭتۇستىك كورەيا پرەزيدەنتى يۋن سوك يەل تۋرالى نە بىلەمىز

قاسىم- جومارت توقايەۆ كورەيا رەسپۋبليكاسىنىڭ پرەزيدەنتى يۋن سوك يەلدى ەلىمىزگە شاقىردى. بۇگىن ول قازاقستانعا ۇشكۇندىك مەملەكەتتىك ساپارمەن كەلەدى. وڭتۇستىك كورەيانىڭ 20- پرەزيدەنتىنىڭ ءومىربايانى مەن مانسابى تۋرالى Kazinform ءتىلشىسىنىڭ شولۋىنان وقىڭىز.

Президент Южной Кореи Юн Сок Ёль
Фото: ohmynews

يۋن سوك يەل دەگەن كىم؟

كورەيا رەسپۋبليكاسىنىڭ قازىرگى پرەزيدەنتى يۋن سوك يەل 1960 -جىلى 18 -جەلتوقساندا سەۋلدە مۇعالىمدەر وتباسىندا دۇنيەگە كەلگەن. ول 1983 -جىلى سەۋل ۋنيۆەرسيتەتىندە باكالاۆر دارەجەسىن، 1988 -جىلى ماگيستر دارەجەسىن الدى. 1991 -جىلى زاڭگەر سەرتيفيكاتىن الدى. 1994 -جىلعا دەيىن يۋن سوك يەل وڭتۇستىك كورەيانىڭ سوت ساراپتاماسى جانە وقىتۋ ينستيتۋتىندا بىلىكتىلىگىن ارتتىردى.

1994 -جىلدان باستاپ پرەزيدەنت لاۋازىمىنا كىرىسكەنگە دەيىن يۋن سوك يەل پروكۋراتۋرا ورگاندارىندا قىزمەت ەتتى، تەك 2002-2003 -جىلدارى قىسقا مەرزىمدە زاڭ فيرماسىندا جەكە تاجىريبەمەن اينالىستى. 2007-2008 جانە 2010-2012 -جىلدارى ەلدىڭ جوعارعى پروكۋراتۋراسىندا قىزمەت اتقارعان. 2012-2013 -جىلدارى وڭتۇستىك كورەيانىڭ ۇلتتىق بارلاۋ قىزمەتىنە قوعامدىق پىكىرگە مانيپۋلياتسيا جاساپ، ەلدەگى پرەزيدەنت سايلاۋىنا ارالاستى دەگەن ايىپ تاعىلىپ، ۇلكەن داۋ تۋىنداعان ەدى. يۋن سوك يەل وسىعان قاتىستى ارنايى تەرگەۋ توبىن باسقاردى. 2017 -جىلى سەۋل ورتالىق اۋداندىق پروكۋراتۋراسىنا باسشىلىق ەتتى. ال 2019 -جىلعى شىلدەدە يۋن سوك يەل ەلدىڭ باس پروكۋرورى بولىپ تاعايىندالدى. 2021 -جىلعى ناۋرىزدا پرەزيدەنت سايلاۋىنا قاتىسۋ ءۇشىن قىزمەتىنەن كەتتى.

Президент Южной Кореи Юн Сок Ёль
Фото: Jung Yeon-je

ساياسي مانسابى

2021 -جىلعى شىلدەدە يۋن سوك يەل ەلدەگى نەگىزگى وپپوزيتسيالىق پارتيا - كونسەرۆاتيۆتى «حالىق كۇشىنە» قوسىلدى (بۇعان دەيىن يۋن ەشقانداي پارتيا مۇشەسى بولماي، ساياسي تاۋەلسىز بولعان). 2021 -جىلدىڭ قاراشاسىندا ول ىشكى پارتيالىق پرايمەريزدە كوپشىلىك - %48 داۋىسپەن جەڭىسكە جەتتى.

يۋننىڭ 2022 -جىلعى 9 -ناۋرىزداعى پرەزيدەنتتىك سايلاۋداعى نەگىزگى قارسىلاستارى بيلەۋشى ​​​​توبۋرو (بارلىعى بىرگە) دەموكراتيالىق پارتياسىنىڭ وكىلى لي چجە ميەن جانە ادىلەت پارتياسىنىڭ كانديداتى سيم سان چجون بولدى.

ناتيجەسىندە پرەزيدەنت سايلاۋىندا يۋن سوك يەل %48,56 داۋىس جيناپ، قارسىلاسى لي چجە ميەندى (%47,83) ءسال عانا باسىپ وزدى. داۋىس بەرۋگە سايلاۋشىلاردىڭ 77,1 پايىزى قاتىستى.

پرەزيدەنت ۇستانىمى

يۋن سوك يەلدىڭ پرەزيدەنتتىك مەرزىمى 2022 -جىلدىڭ 10- مامىرىندا باستالدى. ول انت قابىلداپ، كورەيا رەسپۋبليكاسىنىڭ 20- پرەزيدەنتى رەتىندە رەسمي تۇردە قىزمەتىنە كىرىستى.

يۋن سوك يەلدىڭ سايلاۋالدى باعدارلاماسىندا: حالىقتى قولجەتىمدى باسپانامەن قامتاماسىز ەتۋ، سيفرلىق ۇكىمەت قۇرۋ، كومىرتەگى بەيتاراپتىعىنا قول جەتكىزۋ، تەڭ ءبىلىم بەرۋ مۇمكىندىكتەرىنە كەپىلدىك بەرۋ جانە COVID-19 پاندەمياسىنىڭ سالدارىن ەڭسەرۋگە ەرەكشە كوڭىل ءبولىندى.

ول ك ح د ر تاراپىنان يادرولىق قاۋىپ تونگەن جاعدايدا الدىن الا سوققى بەرۋ ءۇشىن ا ق ش- پەن وداقتاستىقتى جانە كورەيا رەسپۋبليكاسىنىڭ اسكەري الەۋەتىن نىعايتۋعا نيەتتى. سونىمەن بىرگە، پرەزيدەنت يۋن سولتۇستىك كورەيامەن بەيبىت كەلىسىمگە قول قويۋعا جانە ەگەر ولار يادرولىق قارۋ ارسەنالىن قىسقارتۋعا كەلىسەتىن بولسا، بارىنشا قارجىلىق قولداۋ كورسەتۋگە دايىن ەكەنىن مالىمدەدى. يۋن سوك يەلدىڭ پىكىرىنشە، سولتۇستىك كورەياعا قارسى حالىقارالىق سانكسيالار ساقتالۋى كەرەك، وسىلايشا ك ح د ر- عا يادرولىق قارۋدان تولىق باس تارتۋعا قىسىم كورسەتۋگە بولادى. سونىمەن قاتار، ول قىتايمەن ءوزارا ءتيىمدى ەكونوميكالىق بايلانىستاردى كەڭەيتۋدى جاقتايدى.

2023 -جىلعى 9 -قىركۇيەكتە ءۇندىستاندا وتكەن G20 توبىنىڭ سامميتىندە پرەزيدەنت يۋن سوك يەل «جاسىل كليمات» قورىنا قوسىمشا 300 ميلليون دوللار بەرەتىنىن ءمالىم ەتتى. بيىلعى جاڭاجىلدىق ۇندەۋىندە كورەيا پرەزيدەنتى حالىقتىڭ ءال- اۋقاتىنىڭ دەڭگەيى ارتىپ، كوپتەگەن ەكونوميكالىق ماسەلەلەر شەشىمىن تاباتىنىنا سەندىردى.

ال، جاقىندا وڭتۇستىك كورەيا پرەزيدەنتى ەلدى جاساندى ينتەللەكت سالاسىندا الەمدەگى ۇزدىك ۇشتىككە ەنگىزۋگە ۋادە بەردى.

مەن ەلىمىزدىڭ AI تەحنولوگياسى سالاسىندا ۇزدىك ۇشتىككە كىرۋىن، جاد ميكروسحەمالارىنىڭ شەڭبەرىنەن شىعىپ، بولاشاق جاساندى زەيىن نارىعىن جاۋلاپ الۋى ءۇشىن AI چيپتەرىن جاساۋ جونىندەگى باستامانى ىلگەرىلەتەمىن، - دەدى ول جارتىلاي وتكىزگىش ونەركاسىبىنە ارنالعان كونفەرەنسيادا.

سونداي- اق، ول ەلدىڭ جارتىلاي وتكىزگىش ونەركاسىبىن قولداۋ ءۇشىن جاساندى زەيىن سالاسى مەن چيپتەر جاساۋعا قۇنى 19 ميلليارد دوللاردان اساتىن ينۆەستيتسيا قۇيماق. وڭتۇستىك كورەيانىڭ رەنحاپ اقپارات اگەنتتىگىنىڭ حابارلاۋىنشا، پرەزيدەنت يۋن 2026 -جىلى سەۋل ماڭىندا ميكروچيپتەر شىعاراتىن ونەركاسىپتىك كەشەن قۇرىلىسىن باستاۋدى جوسپارلاپ وتىر.

Interfax كورەيا بانكىنىڭ دەرەكتەرىنە سىلتەمە جاساپ، 2024 -جىلدىڭ قاڭتار-ناۋرىزىندا وڭتۇستىك كورەيا ەكونوميكاسى الدىڭعى توقسانمەن سالىستىرعاندا %1,3- عا ءوستى دەپ حابارلادى. بۇل - 2021 -جىلدىڭ ءتورتىنشى توقسانىنان بەرگى ەڭ جوعارى ءوسىم.

پرەزيدەنت بيىلعى ساۋىردە ۇلتتىق جينالىس (پارلامەنت) سايلاۋىندا بيلىك باسىنداعى «حالىق كۇشى» پارتياسى جەڭىلگەننەن كەيىن دە رەفورمالار جالعاسادى دەپ ۋادە بەردى. داۋىس بەرۋ قورىتىندىسى بويىنشا نەگىزگى وپپوزيتسيالىق «دەموكراتيالىق پارتيا» مەن ونىڭ جاقتاستارى 300 دەپۋتاتتان تۇراتىن ۇلتتىق جينالىستا 176 ورىنعا يە بولدى. بۇل رەتتە بيلەۋشى ​​«حالىق كۇشى» پارتياسى مەن ونىڭ سەرىكتەستەرى 108 ورىن يەلەندى.

وتباسى. ءبىرىنشى حانىم

يۋن سوك يەل 2012 -جىلى كيم كون حيگە ۇيلەندى. ول ءارتۇرلى مادەني ءىس-شارالاردى، كورمەلەردى ۇيىمداستىرۋمەن اينالىسقان.

Жанубий Корея Президентининг Марказий Осиё мамлакатларига бир ҳафталик ташрифи бошланди
Фото: Yonhap

كيم كون حي ەلدىڭ قوعامدىق ومىرىنە بەلسەنە ارالاسادى. وتكەن جىلى ول سەۋل زاعيپتار مەكتەبىندە بولىپ، 40-قا جۋىق وقۋشىنى جاڭا وقۋ جىلىنىڭ باستالۋىمەن قۇتتىقتادى.

2023 -جىلى كيم كون حي حيروسيمادا جاپونيا پرەمەر-ءمينيسترىنىڭ ايەلى يۋكو كيشيدامەن دوستىق كەشكى اس تا وتكىزدى. كورەيانىڭ ءبىرىنشى حانىمى كورەيا مەن جاپونيا ازاماتتارى ءبىر- بىرىمەن جاقىنداسىپ، تاتۋ بولا الاتىنىنا سەنىم ءبىلدىردى.

Корея
Фото: Канцелярия Президента Республики Корея

اۆتور

راحيلا تلەۋوۆا

سوڭعى جاڭالىقتار