وتستاۆكاعا كەتكەن بانگلادەش پرەمەرى ۇلى بريتانيادان باسپانا سۇرادى
استانا. KAZINFORM - ەلدەگى جاپپاي ەرەۋىل كەزىندە وتستاۆكاعا شىعىپ، ەلدەن قاشىپ كەتكەن بانگلادەشتىڭ پرەمەر- ءمينيسترى شەيح حاسينا ۇلى بريتانيادان ساياسي باسپانا سۇرادى، دەپ حابارلايدى رەسەيلىك ت ا س س اگەنتتىگى.
The Hindu باسىلىمىنىڭ حابارلاۋىنشا، ونى الىپ جۇرگەن اپكەسى رەحانا ۇلى بريتانيا ازاماتى. بۇدان بولەك شەيح حاسينانىڭ تۋىسى تيۋليپ سيديك 2015 -جىلدان بەرى لەيبوريستىك پارتيا اتىنان ۇلى بريتانيا پارلامەنتىنىڭ دەپۋتاتى. جاڭا پرەمەر-مينيستر كيرا ستارمەردىڭ كابينەتىندە ول قارجى ءمينيسترىنىڭ ورىنباسارى لاۋازىمىنا تاعايىندالعان.
شەيح حاسينا مىنگەن ۇشاق نيۋ-دەليدەن 40 شاقىرىم جەردەگى اسكەري بازاعا قوندى.
دەرەككوزدەردىڭ حابارلاۋىنشا، ءۇندىستان بيلىگى وعان قول ۇشىن سوزۋعا كەلىسكەن، سوعان قاراماستان ول لوندونعا كەتۋدى جوسپارلاپ وتىر.
وسىعان دەيىن بانگلادەشتە جەكسەنبى كۇنى پوليتسيا مەن پرەمەر-مينيستر شەيح حاسينانىڭ وتستاۆكاعا كەتۋىن تالاپ ەتكەن شەرۋشىلەر اراسىندا قاقتىعىس بولىپ، كەم دەگەندە 90 ادام قازا تاپقانىن جازدىق.
قازا تاپقاندار اراسىندا 13 پوليتسيا قىزمەتكەرى بار. ولار ەل استاناسى داككادان سولتۇستىككە قاراي 100 شاقىرىم جەردە ورنالاسقان سيرادجگاندج قالاسىنداعى پوليتسيا بولىمشەسىنە جاسالعان شابۋىلدان قازا تاپتى.
سونداي-اق بانگلادەش ارمياسىنىڭ قولباسشىسى ەل پرەمەر-ءمينيسترى شەيح حاسينا بىرنەشە اپتاعا سوزىلعان قاندى دەمونستراتسيالاردان كەيىن وتستاۆكاعا كەتكەنىن حابارلادى.
