وتاندىق Alaqan بيومەتريا قىزمەتى شەتەل نارىعىنا شىعادى
استانا. قازاقپارات - قازاقستاندىق Alaqan بيومەتريا قىزمەتى شەتەل نارىعىنا شىعادى، دەپ حابارلايدى 24kz.
وتاندىق بيومەتريا قىزمەتى شاڭحايداعى VII قىتاي حالىقارالىق يمپورت كورمەسىندە تانىستىرىلدى. بىرەگەي جوبا اۆتورلارى قىتايلىق كاسىپكەرلەر جانە باسقا ەلدەردىڭ سەرىكتەستەرىمەن جاڭا بايلانىس ورناتۋعا نيەتتى.
Alaqan ارقىلى قاۋىپسىز ءارى ىڭعايلى تولەمدەر جاساۋعا بولادى. ياعني الاقان تامىرلارىنىڭ سۋرەتى ارقىلى جەكە تۇلعانى سايكەستەندىرۋ سالاسىندا پايدالاناتىن يننوۆاتسيالىق بيومەتريالىق جۇيە. تەحنولوگيا كارتالاردى، قولما-قول اقشانى نەمەسە موبيلدى قۇرىلعىلاردى الماستىرا الادى. بۇل ەكوجۇيە قازىردىڭ وزىندە ەلدەگى 300-گە جۋىق مەكتەپتە قولدانىلىپ كەلەدى.
بەرىك نۇرىمبەتوۆ، Alaqan كومپانياسىنىڭ نەگىزىن قالاۋشى:
- قازىرگى تاڭدا بۇل تەحنولوگيا مەكتەپتەردە پايدالانىلادى. بالا مەكتەپكە الاقانىنىڭ كومەگىمەن كىرەدى، تاماق ساتىپ الادى، كىتاپحانادان كىتاپ الادى، شكافىن اشادى. ءبىز شەتەلدە، اراب ەلدەرىندە دە جوبامىزدى ۇسىندىق، وندا ءبىزدىڭ ازىرلەمەمىز تولەم جۇيەسى رەتىندە قولدانىلادى.
