ورال قالاسىندا جايىقتاعى سۋ دەڭگەيى قاۋىپتى شەكتەن اسىپ كەتتى

ورال. KAZINFORM - ورال قالاسىندا جايىق وزەنىندەگى سۋ دەڭگەيى 852 سانتيمەترگە جەتتى.

«قازگيدرومەت» ر م ك ب ق و فيليالىنىڭ 21 -ءساۋىر تاڭعى ساعات 08.00-دەگى مالىمەتىنە قاراعاندا، وزەن دەڭگەيى وبلىس ورتالىعىنداعى گيدروبەكەتتە ءبىر تاۋلىكتە 24 سانتيمەترگە كوتەرىلىپ، قاۋىپتى شەكتەن (850 س م) اسىپ كەتتى.

بايتەرەك اۋدانى يانۆارسيەۆ اۋىلى تۇسىندا 902 (قاۋىپتى شەگى - 1250 س م)، كوشىمدە 833 (850 س م)، تايپاقتا 514 سانتيمەتردى كورسەتتى.

سونداي-اق كوشىم كانالىنداعى سۋ دەڭگەيى 824 سانتيمەترگە (قاۋىپتى شەگى - 800 س م) جەتتى.

شاعان وزەنى دەڭگەيى چۋۆاشين اۋىلىندا 731 (قاۋىپتى شەگى - 1300 س م) سانتيمەتر بولدى.

بايتەرەك اۋدانى رۋبەجكا وزەنى دەڭگەيى 946 س م (+3) بولىپ، قاۋىپتى شەككە (1 مىڭ س م) جاقىندادى.

ەسكە سالا كەتەيىك، بۇدان بۇرىن ورال قالاسىندا قوسىمشا ەۆاكۋاتسيا پۋنكتتەرىنىڭ ءتىزىمى جاريالانعانىن جازعان بولاتىنبىز.

اۆتور

عايساعالي سەيتاق