14:08, 30 - ماۋسىم 2025 | GMT +5
وقۋ- اعارتۋ ءمينيسترى: تاياۋدا ءبىلىم سالاسىنا قاتىستى جاڭالىقتى جاريالايمىز
استانا. KAZINFORM - الداعى جاڭا وقۋ جىلىندا ەشقانداي ءپان جويىلمايدى. بۇل تۋرالى وقۋ-اعارتۋ ءمينيسترى عاني بەيسەمبايەۆ ءمالىم ەتتى.
- جاڭا وقۋ جىلىندا ەشقانداي ءپان جويىلمايدى. دەگەنمەن، قازىر ساراپشىلار قاۋىمىمەن كەڭەسىپ جاتىرمىز. بۇل رەتتە، بارلىق جاڭالىقتى تامىز ايىندا جاريالايمىز. بيىل 17-تامىزدا ءداستۇرلى رەسپۋبليكالىق تامىز كونفەرەنتسياسىن وتكىزۋدى جوسپارلىپ وتىرمىز. سول كەزدە بارلىق جاڭا وزگەرىستەردى ايتامىز، - دەدى پارلامەنت پالاتالارىنىڭ بىرلەسكەن وتىرىسىنان كەيىن تىلشىلەر سۇراعىنا جاۋاپ بەرە وتىرىپ.
وسى ورايدا ول جاڭا قادامدار ءالى تالقىلانىپ جاتقانىن جانە ولار بويىنشا تۇبەگەيلى شەشىم قابىلدانباعانىن ايتتى.
جاقىندا عاني بەيسەمبايەۆ مۇعالىمدەردى ارتىق جۇمىسقا تارتۋ كۇرت تومەندەگەنىن ايتقان ەدى.
