ولجاس بەكتەنوۆ پرەمەر-مينيستر بولىپ تاعايىندالدى
استانا. KAZINFORM - ءماجىلىس دەپۋتاتتارى پرەمەر-مينيستر لاۋازىمىنا ولجاس اباي ۇلى بەكتەنوۆتى تاعايىنداۋعا كەلىسىم بەردى.
ءماجىلىس دەپۋتاتتارى ۇكىمەت باسشىسى كانديداتۋراسىن تالقىلاعاننان كەيىن «قازاقستان رەسپۋبليكاسىنىڭ پرەزيدەنتىنە قازاقستان رەسپۋبليكاسى پرەمەر-ءمينيسترى لاۋازىمىنا بەكتەنوۆ ولجاس اباي ۇلىن تاعايىنداۋعا كەلىسىم بەرىلسىن» دەگەن قاۋلى جوباسىنا داۋىس بەردى.
داۋىس بەرۋ بارىسىندا جالپى وتىرىسقا قاتىسقان دەپۋتاتتاردىڭ 69 ءسى ونىڭ كانديداتۋراسىن قولداپ، 7 دەپۋتات قالىس قالدى.
بۇعان دەيىن مەملەكەت باسشىسىنا AMANAT پارتياسىنىڭ اتىنان پرەمەر-مينيستر لاۋازىمىنا ولجاس اباي ۇلى بەكتەنوۆتىڭ كانديداتۋراسى ۇسىنىلعان ەدى.
ءماجىلىستىڭ پلەنارلىق وتىرىسىندا مەملەكەت باسشىسى قاسىم-جومارت توقايەۆ پرەمەر-مينيستر لاۋازىمىنا ولجاس بەكتەنوۆتى تاعايىنداۋ ءۇشىن دەپۋتاتتاردىڭ كەلىسىم بەرۋىن سۇرادى.
ولجاس اباي ۇلى 1980-جىلى 13- جەلتوقساندا الماتى قالاسىندا تۋعان.
قازاق مەملەكەتتىك زاڭ اكادەمياسىن (2001 ج.) ۇزدىك بىتىرگەن، ماماندىعى «زاڭگەر».
Ⅱ دارەجەلى «ايبىن» (2014 ج.) جانە «داڭق» (2021 ج.) وردەندەرىمەن ناگرادتالعان.
2002-2005-جىلدارى الماتى قالاسى ادىلەت باسقارماسى ءبولىمىنىڭ باس مامانى.
2005-2006-جىلدارى ق ر پرەمەر-ءمينيسترى كەڭسەسىنىڭ زاڭ ءبولىمىنىڭ ساراپشىسى، باس ساراپشىسى.
2006-2009-جىلدارى ق ر پرەزيدەنتى اكىمشىلىگىندە جۇمىس جاسادى.
2009-2012-جىلدارى ق ر ادىلەت مينيسترلىگىنىڭ تىركەۋ قىزمەتى جانە قۇقىقتىق كومەك كورسەتۋ كوميتەتى ءتوراعاسىنىڭ ورىنباسارى.
2012-2014-جىلدارى ق ر ەكونوميكالىق قىلمىسقا جانە سىبايلاس جەمقورلىققا قارسى اگەنتتىگىنىڭ (قارجى پوليتسياسى) ورتالىق اپپاراتىندا دەپارتامەنت باستىعى.
2015-2016-جىلدارى استانا قالاسى اكىمىنىڭ اپپارات باسشىسى، ق ر پرەزيدەنتى اكىمشىلىگى باسشىسى حاتشىلىعىنىڭ مەڭگەرۋشىسى.
2016-2017-جىلدارى سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ (سىبايلاس جەمقورلىققا قارسى قىزمەت) استانا قالاسى بويىنشا دەپارتامەنتىنىڭ باسشىسى.
2017-2018-جىلدارى اقمولا وبلىسى اكىمىنىڭ ورىنباسارى.
2018-2019-جىلدارى قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگى ءتوراعاسىنىڭ ورىنباسارى.
2019-2022-جىلدارى قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگى ءتوراعاسىنىڭ ءبىرىنشى ورىنباسارى.
2022-جىلدىڭ اقپانىنان باستاپ قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى قىزمەتىن اتقاردى.
2023-جىلعى 3-ساۋىردە قازاقستان رەسپۋبليكاسى پرەزيدەنتى اكىمشىلىگىنىڭ باسشىسى بولىپ تاعايىندالدى.
