ولجاس بەكتەنوۆ قازپوشتانىڭ قىزمەتى تۋرالى: شىعىنى كوپ بولعاندىقتان، دامي الماي وتىر
aستانا. KAZINFORM - ۇكىمەت باسشىسى ولجاس بەكتەنوۆ ءبىر ايدىڭ ىشىندە ۇلتتىق پوشتانى دامىتۋدىڭ جوسپارىن ازىرلەۋدى تاپسىردى.

- ۇلتتىق وپەراتور - «قازپوشتانىڭ» قازىرگى الەۋەتىن كۇشەيتۋىمىز كەرەك. بۇگىندە ەل ىشىندە «قازپوشتانىڭ» قىزمەت اۋقىمى كەڭ. فيليالدارى دا جەتكىلىكتى. سوعان سايكەس، كومپانيانىڭ شىعىندارى دا كوپ بولعاندىقتان، بەلسەندى دامي الماي وتىر. سيفرلىق دامۋ، يننفوۆاتسيالار جانە اەروعارىش ونەركاسىبى مينيسترلىگى جانە ساۋدا جانە ينتەگراتسيا مينيسترلىگىمەن ۇلتتىق پوشتا وپەراتورىن دامىتۋ بويىنشا ءتيىستى جوسپاردى ءبىر اي مەرزىمدە ازىرلەسىن، - دەگەن تاپسىرما جۇكتەدى ولجاس بەكتەنوۆ ۇكىمەت وتىرىسىندا.
ەسكە سالايىق، جاقىندا الەۋمەتتىك جەلىلەردە قازپوشتا جوعالعان سالەمدەمەلەردى تومەن باعاعا ساتادى دەگەن حابارلاما تاراعان ەدى. قازپوشتا كومپانياسى اتالعان جايتقا قاتىستى رەسمي تۇسىنىكتەمە بەردى.
ايتا كەتسەك، اۋىلدىق جەرلەردەگى «قازپوشتا» بولىمشەلەرى مەملەكەتتىك قىزمەتتەر كورسەتۋى مۇمكىن.